Bahiketa faltsuen erreskatea eskatzen duten hamar bat dei atzeman ditu Ertzaintzak
Ertzaintzak hamar bat dei atzeman ditu Euskal Autonomia Erkidegoan, uztailaren 9tik 10era bitartean, eta, horietan, ezezagun batzuek senide bat bahituta dutela adieraziz, erreskatea eskatzen dute, diru kopuru baten truke.
Eusko Jaurlaritzako Segurtasun Sailak jakinarazi duenez, dei horietako batzuk Txilen zuten jatorria, eta espezialistek lasaitasuna mantentzea eta biktimaren benetako egoera egiaztatzen saiatzea gomendatzen dute.
Normalean, telefono finkoen titularrei egiten dizkiete deiak, pertsona anonimo batek jakinarazten die senide bat bahituta dagoela, eta, askatzeko, 10.000 euro inguruko diru-kopurua eskatzen dute.
Ertzaintzak zehaztu duenez, delitugileak "familiak izutzen" saiatu dira, "nahasmen, larritasun eta beldur handia sortuz".
Deietako batzuk Txileko telefono batetik egin izanak "dei uholde berri bat" izan daitekeela pentsarazi die ikertzaileei, "aurreko egoera batzuetan suertatu den moduan".
Dei horietako bat jasoz gero, bahiketaren ustezko biktima une horretan egon beharko lukeen lekuan dagoela egiaztatzeko eskatu du Ertzaintzak.
"Funtsezkoa da izuak egoera aztertzeko eta arrazionalki jokatzeko dugun gaitasuna ez blokeatzea. Baloratu behar dugu egoera benetakoa den edo ez eta, iruzurra izan daitekeela planteatu", ohartarazi du Ertzaintzak. Era berean, "eskatutako zenbatekoa ez ordaintzea" eskatu dute eta Poliziari gertatutakoa "berehala" jakinaraztea gomendatu dute.
Hala ere, Segurtasun Sailak zehaztu duenez, "kontuan izan behar da ustez bahitutako pertsonarekin harremanetan jartzeko ezintasuna estaldurarik gabeko gune batean egotearen ondorio izan daitekeela, edo haren telefono mugikorra piztuta ez izatea zineman, Unibertsitatean edo ikastetxean egotearen ondorio izan daitekeela".
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.