43 gradurainoko tenperaturak, haizealdi gogorrak eta suteak izan dira gaur EAEn
Euskalmet Euskal Meteorologia Agentziak emandako datuen arabera, Donostian 40,7 gradu izan dira ostegun eguerdian; Bilbon, berriz, 40,4, eta Gasteizen termometroak 35,9 graduraino iritsi dira. Arrasaten ere 40 gradutik gora neurtu dituzte; 40,6, zehazki.
Dena den, Sestaon (Bizkaia) neurtu dute Euskal Autonomia Erkidegoko tenperatura altuena: 43 gradu.
Beroa ez ezik, haizea ere izan da protagonista gaur EAEn. Gasteizen, adibidez, terrazaren bat edo beste bota du, eta kalteak eragin ditu. Gernikan, berriz, zuhaitz bat erosi da, haize-bolada bortitz baten ondorioz.
Gainera, suteak piztu dira zenbait tokitan; horietatik larriena, Ispasterren, Lekeitiotik oso hurbil. 15:30ean piztu da sua, eta dagoeneko kontrolpean badute ere, suhiltzaileak lanean dauden oraindik ere.
Amaitzeko, Bastidan txingorrada heldu da beroaldiaren ostean, arratsalde partean.
Ostiralerako iragarpena
Ostiralerako ere muturreko tenperaturak iragarri dituzte, baina abisu horia ezarriko dute, alerta laranja beharrean. Hain zuzen ere, 12:00etatik 19:00ak arte egongo da indarrean. Araban espero da bero handiena, 36 graduraino hel daitezke termometroak, hegoaldean.
Bestalde, Araban baita, abisu horia ezarriko dute, eguerditik 19:00ak arte, sute arriskuagatik, tenperatura altuak ez ezik, hegoaldeko haizeak ere gogor joko baitu, eta hezetasun gutxi egongo baita lurralde osoan.
Zure interesekoa izan daiteke
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.