Gora egin du berriro EAEn atzemandako positibo kopuruak: 363 kasu azken orduetan

EAEn, 363 positibo atzeman dituzte azken 24 orduetan PCR proben bidez. Kasu berrietako 53 Gipuzkoan atzeman dituzte, 229 Bizkaian eta 72 Araban. Horrez gain, EAEtik kanpo bizi diren bederatzi pertsonek positibo eman dute azken orduetan. Nafarroak, berriz, 142 kasu positibo berri eta bost ospitaleratze izan ditu azken egunean.

Halaber, bost pertsona hil dira covid-19aren eraginez aurreko astean, eta 1.636 dira jada pandemia hasi zenetik hil direnak.

Horrez gain, gaitza atzemateko 7.320 PCR egin zituzten atzo, Osasun Sailak ohar baten bidez jakitera eman duenez. Zehazki, ondorengo herri hauetan atzeman dituzte koronabirus kasuak:

Gipuzkoan: Andoain (2), Arrasate (3), Astigarraga (1), Azkoitia (4), Azpeitia (3), Bergara (1), Deba (1), Donostia (17), Eibar (1), Elgeta (1), Elgoibar (3), Errenteria (1), Hondarribia (2), Irun (2), Lasarte-Oria (4), Legazpi (1), Mutriku (2), Oiartzun (1), Ururbil (1), Villabona (1) eta Zumarraga (1).

Bizkaian: Abadiño (1), Zornotza (1), Barakaldo (32), Basauri (2), Bermeo (1), Bilbo (103), Derio (2), Durango (1), Elorrio (2), Erandio (10), Etxebarri (3), Galdakao (1), Gatika (1), Getxo (15), Gorliz (4), Gueñes (1), Igorre (4), Larrabetzu (1), Leioa (tres), Lekeitio (2), Lemoa (1), Mungia (2), Muskiz (3), Orozko (2), Ortuella (3), Plentzia (1), Portugalete (5), Santurtzi (9), Sestao (7), Sopela (1), Sopuerta (1), Urduña (2), Zalla (uno) eta Zamudio (1).

Araban: Amurrio (1), Iruña Oka (1), Laudio (4), Salvatierra (1), Gasteiz (64) eta Zigoitia (1).

Azken orduetan positibo eman duten pertsonen profilari dagokionez, 185 emakumeak dira eta 178 gizonak. Gainera, positibo eman duten gehienek 69 urte baino gutxiago dituzte. Batez ere, 40 eta 49 urte bitartean dituzte (72 kasu).

Covid-19a duten beste 37 pazientek 10 eta 19 urte bitartean dituzte, eta kutsatutako 56 euskal herritar 20 eta 29 urte bitartean. Gainera, azken orduetan atzemandako 27 kasutan gaixoek 0 eta 9 urte bitartean dituzte.

Osasun Sailak jakinarazi du, halaber, positibo eman duten 64 pertsonek 30 eta 39 urte bitartean dituztela, beste 40k 50-59 urte bitartean, 26k 60-69 urte bitartean eta beste 41ek 70 urtetik gora.

1,3 da gaurko R0 indizea (atzo 1,35 zen).

Ospitaleetako egoerari dagokionez, egun zortzi pertsona daude zainketa intentsiboetako unitateetan ospitaleratuta, Osasun Sailak eguneroko oharrean emandako datuen arabera.

EAEn 453.111 PCR eta 139.610 test azkar egin zaizkie 246.792 pertsonari pandemia hasi zenetik.

Egoera epidemiologikoari dagokionez, 26.841 pertsona kutsatu dira jada, 14.661 positibo negatibizatu dira eta ospitalean artatu behar izan dituzten 4.680 gaixori alta eman diete.

Lurraldeka, Bizkaian 11.037 positibo atzeman dituzte guztira pandemiaren hasieratik, Araban 3.985 eta Gipuzkoan 3.571. Horrez gain, EAEtik kanpo bizi diren 389 lagunek positibo eman dute.

142 kasu gehiago atzeman dituzte Nafarroan

Bestalde, Nafarroak 142 kasu positibo berri eta bost ospitaleratze izan ditu azken egunean, egun bakarrean 1.833 PCR proba egin ostean.

Hala aurreratu du Santos Indurain Osasun sailburuak, pandemiak Foru Erkidegoan izan duen bilakaeraren berri emateko prentsaurrekoan. Sailburuak "egun batzuetatik besteetara izandako aldaketa garrantzitsuak" onartu ditu, atzo 59 kasu jakinarazi zituzten, baina herenegun 146 izan ziren.

Hori guztia kontuan hartuta, herritarren erantzukizuna eskatu du berriro, batez ere familia eta aisialdiko bileretan. "Osasun sistemak bere zeregina beteko du, baina gizartearen inplikazioa behar dugu uda desberdin honetan", esan du, eta "zuhurtzia" eskatu du.