Euskadin sortutako enpresen kopuruak % 4,9 egin zuen gora ekainean
Euskadin sortutako enpresen kopuruak % 4,9 egin zuen gora ekainean, 2019ko hilabete bereko datuekin alderatuta. Alabaina, urtea hasi zenetik negatiboa izan da datu hori, batik bat COVID-19ak eragindako pandemia dela eta.
Urtea hasi zenetik, sozietateen sorreraren urtetik urterako bilakaera negatiboa izan da Euskal Autonomia Erkidegoan (EAE). Urtarrilean, % 5,6ko beherakada izan zen, eta maiatzean, deseskalatze-prozesua hasi zenean, % 55,1era jaitsi zen datu hori. Apirilean, adibidez, alarma-egoera indarrean zela, % 70,4ko beherakada izan zen.
Dena dela, konfinamendua indarrean egon zen hilabeteekin alderatuta, ekainean egoerak hobera egin zuela ikus daiteke zenbaki absolutuetan. Horrela, urtarrilean 285 enpresa sortu ziren Euskadin, otsailean 281 eta martxoan 217. Apirilean, berriz, 74 sozietate sortu ziren bakarrik, maiatzean 128 eta ekainean 257.
Ekainean Euskadin eratutako 257 enpresek harpidetutako kapitala 17,5 milioi eurokoa izan zen. Horietatik guztietatik, 255 sozietate mugatuak izan ziren eta bi sozietate anonimoak.
Espainiako Estatistika Institutuak (INE, gaztelaniazko sigletan) asteazken honetan jakitera eman duenez, Euskadi tasa positiboak izan dituzten bost autonomia erkidegoetako bat izan zen ekainean, Espainian urte arteko jaitsiera % 9,4koa izan zen hilabetean (6.733 enpresa sortu dira).
Bestalde, ekainean 71 sozietate desegin ziren EAEn, 2019an baino % 2,9 gehiago. Euskadin, maiatzean 44 enpresa desegin ziren, apirilean 23 eta martxoan 109. Espainian, berriz, 1.112 sozietate desegin ziren ekainean, % 11,4 gutxiago.
Ekainean desegindako enpresei dagokienez, 57k borondatez egin zuten, bostek bat egiteagatik eta bederatzik beste arrazoi batzuengatik.
Nafarroan, 47 merkataritza-sozietate sortu eta lau desegin ziren ekainean.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketaren zilegitasuna zalantzan jarri dute.
Tentsioa Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.