Fokuekin lotutako 1.000 PCR proba baino gehiago Algortan eta ia 300 Gasteizen

Urdulizko Ospitalean 400 PCR proba egin zituzten atzo, Algortako (Bizkaia) Bikain tabernako bezeroen artean egiten ari diren baheketa dela eta. Gaur, 620 pertsonak daukate hitzordua proba egiteko.

Gasteizko Sagartoki eta Oh Malbec tabernen fokuei dagokienez, 133 eta 152 PCR proba egin dira orain arte, hurrenez hurren.

EAEn, 510 positibo atzeman dituzte azken 24 orduetan PCR proben bidez. Zehazki, Euskadin baieztatutako kasu berrietako 292 Bizkaian atzeman dituzte, 92 Gipuzkoan eta 112 Araban. Horrez gain, EAEtik kanpo bizi diren 10 pertsonek positibo eman dute azken orduetan.

Halaber, gaitza atzemateko 6.617 PCR egin zituzten atzo, Osasun Sailak ohar baten bidez jakitera eman duenez.