Murgak "egonkortze zantzuak" ikusi ditu azken asteetan EAEn
Koronabirusak gora egiten jarraitzen du Euskal Autonomia Erkidegoan (EAE), baina "mantsoago" ari da zabaltzen. Hori dela eta, "egonkortze zantzuak" ikusi ditu azken asteetan Nekane Murga Eusko Jaurlaritzako Osasun sailburuak. Zantzu horiek "joera aldaketa" diren esateko, baina, "goizegi" dela adierazi du, eta arduraz jokatzen jarraitzeko eskatu dio jendarteari.
Osasun Sailak emandako datuen arabera, 546 positibo berri izan ditu EAEk azken orduetan, bezperan baino 101 gehiago, baina PCR bidez kutsatutakoen ehunekoak behera egin du apur bat, eta atzo 8.887 test egin zituzten.
Murgaren esanetan, RO tasa (birsortze gaitasuna neurtzen duena) 1etik behera kokatu da berriro eta hori "seinale ona" da. "Euskadi egonkortze zantzuak erakusten hasi da, baina joera aldaketa bat baieztatzeko guztiz egonkortu arte itxaron behar da", adierazi du.
Sailburuak ez du beherakada hori Jaurlaritzak osasun alerta ezartzearen ondotik hartutako neurriekin bakarrik lotu nahi izan. "Askotxo esatea litzateke", azaldu du.
Horrez gain, eskerrak eman dizkie arauak eta murrizketak betetzen ari diren herritarrei, eurei esker "kutsatzeak geldiarazten ari garelako".
Zure interesekoa izan daiteke
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hiltzeagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egunez koman egon ondoren hil zen Courdy.
Foruzaingoak aisialdirako bederatzi lokal erregistratu ditu Iruñerriko bost udalerritan
Dispositiboan 20 akta ireki dituzte, drogak konfiskatzeagatik. Hiru pertsona ere salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.