Aurtengo Gabonetako ekitaldiak ezberdinak izango dira Hego Euskal Herrian
Udazkenean sartu gara eta aurtengo Gabonak berehala izango ditugu ate-joka. Koronabirusaren pandemia hasi zenetik, Hego Euskal Herriko ia jai guztiak bertan behera gelditu dira. Jakin badakigu inauteriak ez direla ospatuko leku askotan, eta gauza jakina da 2020ko Gabonak ere ezberdinak izango direla.
Hiriburuetako udalak lanean ari dira aurtengo Gabonak nola antolatu pentsatzen. Santo Tomas eguna ospatuko al da? Etorriko al dira Olentzero eta Mari Domingi gurera? Errege Magoak ikusiko al dituzte aurten gure etxeko txikiek?
Santo Tomas egunean jendetza bildu ohi da urtero Gipuzkoako hiriburuan. Donostiako Udala egun horretan zer egin pentsatzen ari da oraindik, eta Bilboko Udalarekin hizketan ari da, eguna ospatuz gero, antzera egiteko bi hiriburuetan.
Bilbon, BBK Fundazioak antolatu ohi ditu egun horretako ospakizunak, eta ez du oraindik erabakirik plazaratu. Juan Mari Aburto alkateak ETB1eko Egun On Euskadi saioan esan du, nolanahi ere, zerbait egitekotan, ezberdina izango dela aurreko urteekin alderatuta. Gauza bera esan du Olentzero eta Mari Domingiri buruz, baita Errege Magoei buruz ere. Ekitaldi horiekin "beste plan ezberdin bat pentsatzen ari gara. Gure asmoa da Bilboko umeei zer edo zer eskaintzea", esan du Bizkaiko hiriburuko alkateak.
BIDEOA | "Ez da Olentzero eta Mari Domingiren desfilerik izango, ezberdina izango da"
CONTENIDO NO ENCONTRADO
Donostiak ere ez du oraindik erabaki zer egingo duen pertsonaia magiko horiekin, eta, Gasteizen, Estibaliz Canto Hezkuntza eta Kultura zinegotziak iragarri du ez dela Olentzeroren eta Errege Magoen desfilerik izango. "Jai hauetako benetako protagonistak diren umeen ilusioari eustea lortuko duen programa bat osatzen ari gara", esan du.
Iruñean, berriz, kalejira horiek antolatzen dituzten elkarteek esan dutenez, kalean ez da inolako ekitaldirik izango.
Gabonetatik harago, Donostiako Udalak joan den astean jakinarazi zuen inauterietako desfilerik ez dela izango 2021ean, eta elkarte eta eragile ezberdinekin bilerak egingo dituela San Sebastian egunari buruzko erabaki konpartitu bat hartzeko.
Zure interesekoa izan daiteke
USaPeko azterketak berrikusten hasi dira, euskarako proban izandako zeroek eragindako polemikaren erdian
Gauerdian amaitu da unibertsitatera sartzeko probaren berrikuspena eskatzeko epea eta behin betiko kalifikazioak ekainaren 22an argitaratuko dira.
Gasteizko taxiaren ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gaueko gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiren aurreikuspenari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago ez Fiskaltzaren salaketarik, ezta biktimaren baten salaketarik ere; hala ere, salaketaren bat aurkeztuz gero, prozedura berriro ireki ahal izango litzateke.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak handitzen jarraitzen du, eta EAEko herritarren % 60 kezkatzen ditu dagoeneko
Politikaren arloan, herritarren % 25ek nahiago dute Pradales (EAJ) lehendakari izatea; % 11k, berriz, Otxandianoren (EH Bildu) alde egin dute. Hala jasotzen da Eusko Jaurlaritzak egindako azken soziometroaren datuetan.