Jaurlaritzak ez du konfinamendu perimetralik ezarriko, oraingoz
Eusko Jaurlaritzaren Osasun Sailak ez du konfinamendu perimetralik ezarriko kutsatze kopuru altuak dituzten udalerrietan, oraingoz.
Ignacio Garitano Osasun Saileko eta Osakidetzako Zaintza eta Kontrolerako Programaren koordinatzaileak azaldu duenez, kasu positiboen tasa % 8,4koa da Araban, Bizkaian eta Gipuzkoan.
Egoerarik okerrena Gipuzkoan dago, 14 herri baitaude 100.000 biztanleko 500 kasutik gora pilatuta. Azpeitian, Azkoitian, Beasainen eta Ordizian, baina, tasa hori 1.100 kasutik gorakoa da.
Testuinguru horretan, eta konfinamendu selektiboak egiteko aukerari buruz galdetuta Garitanok esan duenez, aukera hori gaur egun ez dago mahai gainean, eta gogora ekarri du Gotzone Sagardui Osasun sailburuak joan den larunbatean esandakoa: "Kasuak banaka eta zonaldeka aztertzen jarraituko dugu, eta egoerak okerrera egingo balu soilik hartuko genituzke neurri berriak".
Edonola ere, edozein erabaki hartu aurretik, neurri bat eraginkorra izango dela egiaztatu behar da, horren arabera, eta ziurtatu du herritar guztiak etxean isolatzea ez dela Jaurlaritzaren plana, "epe laburrean behintzat".
Konfinamendu perimetralei dagokienez, Garitanok ohartarazi du oraindik ez dela argitu neurri hori eraginkorra den edo ez. "Uda honetan, 500 kasutik gora izan ditugu, eta kasuen aztarnari jarraituz eta kontaktuak isolatuz egoerari buelta ematea lortu dugu, konfinamendu perimetralik ezarri gabe", nabarmendu du.
Bestalde, eta pandemiaren bilakaera une oro zaintzen ari direla azpimarratu ondoren, Garitanok iragarri du baheketa masiboak egingo dituztela Ordizian eta Durangon, azken egunetan udalerri horietan detektatu dituzten kasu positiboen kopuruak nabarmen hazi direlako.
Zure interesekoa izan daiteke
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Martxan da ikerketa, Igorreko errugbi taldeak iruzurra egin duen argitzeko.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.