72 urteko arrantzale bat desagertu da Cobaroneko kostaldean, Muskizen

Ertzaintza, Itsas Salbamendua eta suhiltzaileak 72 urteko gizon baten bila ari dira Cobaronen, Muskizen (Bizkaia). Arrantzan atera da goizean, zonalde harritsu batera, eta gaua egin denean ez da etxera itzuli. Bilaketa lanak bertan behera utzi dituzte gauean, eta astelehen honetan, goizeko lehen orduan, berriz hasiko dira lanean.

Segurtasun Sailak jakitera eman duenez, arrantzalearen familiak SOS Deiaki telefonoz abisua eman dio. Une honetan larrialdietako teknikari bat zonaldean dago, bilaketa lanak koordinatzeko.

Esan bezala, Ertzaintza, Itsas Salbamendua eta suhiltzaileak bertaratu dira.