EHUko hauteskundeetan parte-hartzea "ahal den handiena" izatea espero du Ferreirak
Euskal Herriko Unibertsitateak (EHU) 09:00etan ekin die errektorea aukeratzeko hauteskundeei. Irakasleak, ikasleak eta administrazioko eta zerbitzuetako langileak kontuan izanda, 48.207 pertsona daude hauteslekuetara deituta.
EHUk berak jakitera eman duenez, gaur arratsaldean emango dituzte hauteskundeen behin-behineko emaitzak, 20:00etatik aurrera, Bizkaia Aretoan. Botoa emateko epea, berriz, 17:00ak arte egongo da zabalik, eta bakoitzak dagokion zentroan edo campusean bozkatu beharko du.
Sufragio unibertsal ponderatuan oinarrituta aukeratuko dute EHUko errektorea. Hain zuzen ere, 48.207 boto-emaileak bost sektoretan sailkatu dituzte: 2.114 irakasle eta ikertzaile iraunkorrak dira; 179, irakasle eta ikertzaile ez iraunkorrak; 3.199 sektore bereko beste arlo bateko beharginak dira; 40.819 ikasleak, eta 1.896, administrazioko eta zerbitzuetako langileak.
Botoa, beraz, ponderatua izango da: aipatutako lehen sektoreak % 56,25eko indarra dauka; bigarrenak % 7,50ekoa; hirugarrenak % 2,09koa; laugarrenak % 22,08koa, eta azkenak % 12,08koa.
Orotara, 57 hauteskunde-mahai eratuko dituzte. Unibertsitatea osatzen duen komunitatearen zati handi batek azaroaren 9tik 23ra zabaldutako epean bozkatu zuen.
Esan bezala, hautagai bakarra aurkeztu da oraingo honetan: Eva Ferreira. Horrek esan nahi du haren aldeko botoa edo botoa zuria soilik egongo direla aukeran. Hautatua izateko, baina, gutxienez botoen herena jaso beharko du, dagokion haztapena egin ostean. Behin betiko emaitzak ez dira abenduaren 4ra arte helduko, orduan bukatuko baita bozak inpugnatzeko epea.
Ferreirak "parte-hartze" handia espero du
Gaurko hauteskundeetako parte-hartzea "ahal den handiena" izatea espero du Eva Ferreirak.
Sarrikoko fakultatean eman du botoa goizean hauteskunde hauetako hautagai bakarrak. Han, adierazi du "egoera nahiko lasaia" dela, hautagai bakarra dagoelako. Halere, onartu du hautagaitza bakar horrek ez duela parte-hartzean laguntzen.
"Dena den, espero dut ahal den boto-emaile kopuru handiena hurbiltzea hauteslekuetara", gaineratu du.
Hautagai bakarra
Eva Ferreira Garcia da EHUko errektoretzan Nekane Balluerkaren lekua hartzeko prest agertu den hautagai bakarra. Barakaldon jaioa, Matematiketan lizentziatu zen EHUn, eta Probabilitate eta Estatistika masterra egin zuen New Yorken. Ekonomian doktore ere bada, eta 2005az geroztik, Ekonomia Aplikatuan katedraduna.
Unibertsitatetik azaldu dutenez, probabilitate eta estatistika metodoetan oinarritutako ikerketa ildoak ditu ardatz, baina, besteak beste, zenbait botikek medikuntzan dituzten ondorioak eta finantzen sistema arriskua ere izan ditu aztergai.
Zenbait unibertsitatetara (Bathera, Giessenera eta Friburgora) gonbidatu dute, eta Sao Paulon, Louisianan eta Indiako Ahmedabad unibertsitatean hitzaldiak eman ditu. Gainera, bost doktorego tesi zuzendu ditu, bai nazioartekoak, bai euskaraz eginikoak.
Kudeaketa arloan, Ekonomia Gaien eta Antolakuntza Akademikoaren arloko errektoreordea izan da EHUn (2004-2008), eta erakunde bereko idazkari, 2009 eta 2012 artean. Euskal Unibertsitate Sistemaren Kalitate Agentziako zuzendari kargua (2015-2019) ere bete zuen.
Balluerkak "oso positibotzat" jo du bere agintaldia
Azaroaren 12ko klaustroan, Balluerkak iazko ikasturtearen nondik norakoak errepasatu zituen, eta ondoren bere agintaldiaren (2017-2020) balantzea egin zuen.
"Iruditzen zait lau urteotako balantzea oso positiboa izan dela. Hainbat lorpen izan ditugu, besteak beste, epe laburrean Medikuntza eta Erizaintzako Fakultatearen eraikina eraikitzeko konpromisoa, Shangaiko rankingaren arabera, munduko 400 unibertsitate onenen artean sailkatzea eta, Enlightekin batera, maila handiko Europako unibertsitateen batzordea eratzea. Argi dago oraindik ere erronkak dituela aurretik Euskal Herriko Unibertsitateak, baina uste dut azken lau urteotan urrats garrantzitsuak eman ditugula", adierazi zuen orduan.
Halaber, pandemiak aurten eragin dituen zailtasunak izan zituen mintzagai: "Gure unibertsitateak egoera horri aurre egin dio, eta meritua guztiona izan da. Salbuespenak salbuespen, unibertsitatea osatzen dugun talde osoak eman dio aurpegia erakunde honek bizi izan duen krisi latzenari. Horregatik, harro nago, sekulako esfortzua egin dugulako. Eta harrotasun horri, nire kasuan, unibertsitatean goi kargu bat betetzearen ohorea gehitu behar diot, bide horretan ahalegin handia egin behar izan dudalako, baina aldi berean ikasteko eta ilusioz betetzeko balio izan didalako".
Zure interesekoa izan daiteke
Azokak eta landare hazitegiak jendez beteta, udako ereite sasoiari ekiteko
Neguko eta udako baratze arteko zubia izaten da maiatza; azken ilarrak, azak eta babak jaso ondoren, udako barazkiak landatzeko hilabetea izaten da. Ohi baino beranduago, baina eguzkia atera orduko, jendetza inguratu da azoka eta landare hazitegietara, baratzerako hazi bila.
Medikuek mobilizazioekin jarraitzeko asmoa dute Ministerioa negoziatzera esertzen ez den bitartean
Laugarren greba astean sartuta daude medikuak. Lan-baldintza hobeak eskatzen dituzte eta protestan jarraitzeko asmoa dute egoera konponbidean sartu arte. Ez dute greba mugagabea egitea baztertzen.
Facuak hipoteka-klausuletan espezializatutako Bilboko epaitegiaren "kolapsoa" salatu eta neurriak eskatu ditu
Botere Judizialaren Kontseilu Nagusiak organo judizialen "aparteko lan-karga" onartu du, eta kexa Eusko Jaurlaritzako Justiziari helarazi dio.
"Hiztegi bat", Gorka Urbizuren letrekin euskaraz trebatzeko modu berria
Euskara ikasten ari direnentzat zein Berri Txarrak eta Urbizuren jarraitzaileentzat oso baliagarria izan daitekeen Hiztegi bat webgunea sortu du Beñat Erazuma Urbizuren zaleak. Hiru atal ditu webguneak: Alfabetoa, Hutsunea bete jokoa eta abestien atala.
Bularreko minbizia atzemateko baheketa programa 45 eta 74 urte arteko emakumeetara zabalduko da pixkanaka
Orain arte, bi urtean behin baheketa egiteko Estatuko Osasun Publikoaren Batzordeak ezarritako adin tartea 50etik 69ra artekoa zen. Gaur iragarritako neurriarekin, bost urte lehenago hasiko dira azterketa egiten, eta bost urte geroago amaitu.
Genetistek baieztatu egin dute Lukas Aguirreren kasuko labaneko odola biktimarena dela
Gaur lekukotza eman duten ertzainek baieztatu egin dute bi gizonezko akusatuen DNA zegoela gertakarien ondoren topatutako zapatila baten lokarrietan; ustez, akusatu nagusiak berea galdu zuen liskarrean eta errazago ihes egiteko elkarrekin trukatu zuten zapatilan zegoen, zehazki Aguirreren DNA. Bigarren akusatuaren galtzetan ere topatu dute biktimaren DNA.
27 urteko kartzela-zigorra ezarri diote Maialen Mazonen hiltzaileari
Epaileak 25 urteko kartzela-zigorra ezarri dio biktimaren senarrari, azpikeriaz egindako hilketa delitu batengatik, bi abortu delitu, ahaidetasun astungarriarekin (emakumea bikiez haurdun zegoen), eta bi urte adingabea abandonatzeagatik (bikotearen bi urteko alaba bakarrik utzi zuen amaren gorpuaren ondoan, 18 orduz).
Lehendakariak baieztatu du FIFAk "eskakizun berriak" ezarri dituela Munduko Txapelketaren egoitza izateko
Imanol Pradalesek adierazi du alderdi operatibo, logistiko, ekonomiko, finantzario eta segurtasunari loturikoei buruz "hausnartu" egin behar dela, eta euskal erakundeek "herrirako erabakirik onena" hartuko dutela esan du.
Bilbo, errugbiaren lurrikararen epizentroa: Europako finalez gozatzeko gida
Bizkaiko hiriburua errugbiaren epizentroa izango da maiatzaren 22an eta 23an. EPCR Challenge Cup eta Investec Champions Cup lehiaketen finalak hartuko ditu San Mamesek, hiria milaka zalez, doako gune ludikoez, zuzeneko musikaz eta giro ezin hobeaz beteko duen nazioarteko ekitaldian.
Arguedasko hilketako ustezko hiltzailea ostegun honetan izango da epailearen aurrean
43 urteko gizona bere kabuz joan zen astelehenean Valtierrako Guardia Zibilaren kuartelera, eta bikotekideari eraso egin ziola aitortu zuen. Arguedasko Udalak hiru dolu-egun ezarri ditu hilketa matxistagatik, eta herrian gaitzespen elkarretaratzea egin dute biktimaren oroimenez.