Abisu horia EAEn elurragatik
Segurtasun Sailak abisu horia ezarri du elurragatik Euskal Autonomia Erkidegoan, gaurko. Iragarpenen arabera, 900 metro inguruan kokatuko da elur-maila.
Euskalmet Euskal Meteorologia Agentziak zehaztu du martxoaz geroztik ez dutela elurragatik abisurik ezarri. Urtarrilean, ordea, bost egunetan aktibatu zuten abisu horia elurra dela eta, eta martxoan seitan.
Indarrean dagoen bisuari dagokionez, 21:00ak arte egongo da indarrean. Halere, aurreikusitakoaren arabera, elurrak 0 eta 3 zentimetro arteko lodiera soilik hartuko du 1.000 metrotik gorako gailurretan.
Eguraldiaren iragarpenaren arabera, zeruan hodeiak izango dira nagusi goizetik, eta euria botako du, batez ere Kantauri isurialdean. Arratsaldean, baina, lasaitu egingo da egoera. Haizeak iparretik joko du, eta tenperatura maximoek behera egingo dute.
Ostegunean lanbroa nagusituko da goizeko lehenengo orduetan. Tarteka euria egingo du, bereziki kostaldean. Haizea mendebaldetik helduko da, baina azken orduetan hego-mendebaldeko haize-boladak ere iritsiko dira. Tenperatura maximoek zertxobait egingo dute gora.
Ostiralean euritsu hasiko da eguna, batik bat iparraldean. Egunaren bigarren zatian txingorra ere bota lezake. Gainera, elur-kota 700-800 metroan kokatuko da goizean, eta 600-700era jaitsiko da arratsaldetik aurrera. Haizeak mendebaldetik joko du, tarteka zakar, eta tenperaturek behera egingo dute nabarmen.
Zure interesekoa izan daiteke
Gizon batek bikotekide ohia hil du kalean, Figueresen (Girona)
Gizona astelehen honetan ere atxilotu zuten, emakumearenganako urruntze-agindua urratzeagatik.
Mangoren sortzailearen semea aske utzi dute milioi bateko fidantza ordaindu ostean
Enpresaburua 2024an hil zen, Montserrat inguruan, amildegitik behera erorita. Semea eta biak bakarrik zeuden ezbeharraren unean. Hasiera batean, istripua izan zela uste izan zen eta auzia artxibatu zen. Handik gutxira, baina, zantzu berriak agertu ziren, eta epaileak kasua berriz zabaltzea erabaki zuen. Haren semea dago orain ikerketapean, ustezko hiltzaile gisa.
Auzitegi Gorenak eutanasia eskaria errekurritzeko eskubidea aitortzen die eskatzailearekin lotura "estua" dutenei
Kataluniako Generalitatearen helegite bat atzera bota du Gorenak. Gizon batek semeari onartutako eutanasia errekurritzea ontzat eman zuen sententzia batek, eta haren aurka aurkeztu zuen helegitea Exekutibo kataluniarrak.
Maria Ubarretxena: "Azken erabakia FIFArena izango da"
Maria Ubarretxena Eusko Jaurlaritzaren bozeramaileak azaldu duenez, FIFAren erabakia 2027ko urtarrilean iritsiko da. Oraindik zazpi hilabete gelditzen diren honetan, lasaitasun mezua zabaldu du.
Arguedasko Udalak hiru dolu-egun ezarri ditu herrian izandako hilketa matxistagatik
Gainera, elkarretaratzea deitu du arratsalderako, udaletxearen aurrean, hilketa matxista gaitzesteko.
Ebola zer den ulertzeko gakoak
Birus bat da ebolaren eragilea, eta sei mota bereizi dira: Sudan, Zaire, Reston, Cote d'Ivoire (Boli Kosta), Bundibugyo eta Bombali. Txertoek eta onartutako tratamenduek Zaire aldaeraren aurka funtzionatzen dute. Afrikako erdialdea astintzen ari diren Sudan eta Bundibugyo anduiak tratatzeko, berriz, oraindik ez dago txertorik.
Amaitu dira N-1 errepidean, Tolosa parean, bi kamioi matxuratuk eragindako auto-ilarak
Usabalgo industrialde parean hasi eta Alegiaraino iritsi dira, une batez, auto-ilarak. Matxuratutako bi kamioiak elkarrengandik oso hurbil zeuden, eta, ondorioz, errei bat itxi egin behar izan dute.
Zergatik uko egiten diote zenbait hirik Munduko Txapelketaren egoitza izateari? Hauek dira FIFAren eskakizunak
Gijonek, Malagak eta Coruñak, besteak beste, atzera egin dute, antolakuntza- eta inbertsio-eskakizunak zorrotzegiak direla argudiatuta. FIFAk zerga-salbuespena eskatzen du, egoitza izatea errentagarria ez den arren, txosten batzuen arabera.
Gutxienez 3 kilometroko auto-ilarak A-15 errepidean, Andoainen, hainbat ibilgailuren arteko istripu bat izan delako
Errepidea itxita egon da denbora batez istripuaren ondorioz, eta zirkulazio-arazo handiak sortu dira Donostiarako noranzkoan.
Albiste izango dira: Erailketa matxista Arguedasen, zalantzak gizonezkoen futboleko Mundiala hartzeko Bilboren hautagaitzari buruz eta Ebola agerraldia Afrikan
Gaurkoan Orain-en albiste izango direnen laburpena, bi hitzetan.