Abisu horia elurra 500 metrora jaitsiko delako EAEn
Eusko Jaurlaritzak alerta laranja ezarri du itsasorako larunbatean olatu handiak egongo direlako, 5-6 metroak. Gainera, abisu horia ere egongo da indarrean , elur kota 500 metroraino jaitsiko delako, Segurtasun Sailak jakitera eman duenez.
Itsasoko alerta laranja ostiralean jarri da martxan, goizaldeko hiruetan, eta larunbateko 24:00etan amaituko da, 5 metrotik gorako olatuak espero direlako, larunbat arratsaldean bereziki.
Era berean, ostiralarekin batera abisu horia jarri dute martxan larunbata amaitu arte, elur-kota 500-700 metrora jaitsiko delako.
Euskalmeten arabera, EAEra Altlantikoko borraska zabal eta sakon bat iritsiko da, Artikoko aire hotza dakarrena, eta, ondorioz, denboraldiko lehenengo negu giroa izango dugu. Olatu handiez gain, tenperaturek behera egingo dute nabarmen, prezipitazioak ugarituko dira, kazkabar ekaitzak egongo dira, elur-kotak behera egingo du eta haize gogorra ibiliko da.
Itsasoaren egoerak nabigazioari eragingo dio batik bat, baina itsasgoretan urak gainez egin dezake. Hori horrela, abisu horia ezarri dute kostan olatu handien alertarekin batera.
Elurraren abisu horiari dagokionez, larunbat osoan egongo da indarrean, baina kota baxuenean egongo denean prezipitazio gutxi espero da barnealdean. Gainera, kostan espero da prezipitazio gehien, ezegonkortasunarengatik, eta ekaitza eta kazkabarra bota dezake.
Larunbatean ere 500-600 metroan kokatuko da elur-kota, agian beherago ekialdean eta ekaitza dagoenean. Prezipitazioak ugariak izango dira arratsaldean Kantauri isurialdean.
Eusko Jaurlaritzako Segurtasun Sailak larunbat arratsaldean eta igandean mendirako irteerak saihestea gomendatu du, batez ere 700-800 metrotik gorako altueretan. Izan ere, egoera meteorologikoa oso desatsegina izango da, haizea, giro hotza eta elur itxurako prezipitazioak izango dira, eta tontorrean kantitate esanguratsuak pilatu ahal izango dira.
Elurra kentzeko 38 makina prestatu dituzte Nafarroan, prebentzio gisa
Lurralde Kohesiorako Departamentuak elurra kentzeko 38 makina prestatu ditu larunbat goizalderako, iragarpen meteorologikoek datozen orduetan Nafarroako errepideetan elurra ez dela pilatuko iragarri arren.
Estatuko Meorologia Agentziak (AEMET) egindako iragarpenaren arabera, elurragatik ezarritako alerta horia bertan behera utzi dute Nafarroan 18:00etatik aurrera.
Zure interesekoa izan daiteke
Mangoren sortzailearen semea aske utzi dute milioi bateko fidantza ordaindu ostean
Enpresaburua 2024an hil zen, Montserrat inguruan, amildegitik behera erorita. Semea eta biak bakarrik zeuden ezbeharraren unean. Hasiera batean, istripua izan zela uste izan zen eta auzia artxibatu zen. Handik gutxira, baina, zantzu berriak agertu ziren, eta epaileak kasua berriz zabaltzea erabaki zuen. Haren semea dago orain ikerketapean, ustezko hiltzaile gisa.
Auzitegi Gorenak eutanasia eskaria errekurritzeko eskubidea aitortzen die eskatzailearekin lotura "estua" dutenei
Kataluniako Generalitatearen helegite bat atzera bota du Gorenak. Gizon batek semeari onartutako eutanasia errekurritzea ontzat eman zuen sententzia batek, eta haren aurka aurkeztu zuen helegitea Exekutibo kataluniarrak.
Maria Ubarretxena: "Azken erabakia FIFArena izango da"
Maria Ubarretxena Eusko Jaurlaritzaren bozeramaileak azaldu duenez, FIFAren erabakia 2027ko urtarrilean iritsiko da. Oraindik zazpi hilabete gelditzen diren honetan, lasaitasun mezua zabaldu du.
Arguedasko Udalak hiru dolu-egun ezarri ditu herrian izandako hilketa matxistagatik
Gainera, elkarretaratzea deitu du arratsalderako, udaletxearen aurrean, hilketa matxista gaitzesteko.
Ebola zer den ulertzeko gakoak
Birus bat da ebolaren eragilea, eta sei mota bereizi dira: Sudan, Zaire, Reston, Cote d'Ivoire (Boli Kosta), Bundibugyo eta Bombali. Txertoek eta onartutako tratamenduek Zaire aldaeraren aurka funtzionatzen dute. Afrikako erdialdea astintzen ari diren Sudan eta Bundibugyo anduiak tratatzeko, berriz, oraindik ez dago txertorik.
Amaitu dira N-1 errepidean, Tolosa parean, bi kamioi matxuratuk eragindako auto-ilarak
Usabalgo industrialde parean hasi eta Alegiaraino iritsi dira, une batez, auto-ilarak. Matxuratutako bi kamioiak elkarrengandik oso hurbil zeuden, eta, ondorioz, errei bat itxi egin behar izan dute.
Zergatik uko egiten diote zenbait hirik Munduko Txapelketaren egoitza izateari? Hauek dira FIFAren eskakizunak
Gijonek, Malagak eta Coruñak, besteak beste, atzera egin dute, antolakuntza- eta inbertsio-eskakizunak zorrotzegiak direla argudiatuta. FIFAk zerga-salbuespena eskatzen du, egoitza izatea errentagarria ez den arren, txosten batzuen arabera.
Gutxienez 3 kilometroko auto-ilarak A-15 errepidean, Andoainen, hainbat ibilgailuren arteko istripu bat izan delako
Errepidea itxita egon da denbora batez istripuaren ondorioz, eta zirkulazio-arazo handiak sortu dira Donostiarako noranzkoan.
Albiste izango dira: Erailketa matxista Arguedasen, zalantzak gizonezkoen futboleko Mundiala hartzeko Bilboren hautagaitzari buruz eta Ebola agerraldia Afrikan
Gaurkoan Orain-en albiste izango direnen laburpena, bi hitzetan.
Gizon batek bi pertsona hil eta lau zauritu ditu tiroz, El Ejidon
Ustezko egileak bere burua entregatu du. Hildakoak bere gurasoak dira eta zaurituetako adin txikikoetako bat, berriz, 7 hilabeteko bere semea.