Celaa legea behin betiko onartu da Senatuan
LOE legea aldatzeko lege organikoaren proiektua, Lomloe edo Celaa legea, behin betiko onartu dute asteazken honetan, Gabon bezperan, 2020ko Senatuko azken osoko bilkuran, eta ez diote zuzenketarik egin Goi Ganberan.
Hezkuntza lege berriak, demokrazian onartutako zortzigarrenak, aurrera egin du aldeko 142 botorekin, kontrako 112rekin eta bederatzi abstentziorekin, Kongresutik iritsitako testu berarekin. Orain, Estatuko Aldizkari Ofizialean (BOE) argitaratu behar da.
PSOEk, ERCk, EAJk, Compromisek, Mes per Mallorcak, Aurrera Andaluziak, Geroa Baik, Más Madridek eta En Comú Podemek babestu egin dute legearen azken testua.
PPk, Ciudadanosek, Voxek, Coalicion Canariak, UPNk, PARek eta Kantabriako Alderdi erregionalistak kontra bozkatu dute.
Junts per Catalunya, Teruel Existe eta EH Bildu abstenitu egin dira.
Isabel Celaa Hezkuntza ministroa hunkituta agertu da osoko bilkuraren amaieran. Lomce edo Wert legea "iragana da", adierazi du, eta orain "ongietorria" eman diotela Lomloeri, ekitatea eta bikaintasuna lortu nahi baititu.
Lege berriak ikasle guztiei "aurrera egiteko" aukera ematen diela eta bost printzipiotan oinarritzen dela ziurtatu du: adingabearen interesa, irakaskuntzaren pertsonalizazioa, hezkidetza, garapen iraunkorra eta digitalizazioa.
PPren, Ciudadanosen, Voxen eta UPNren ustez, legea "hilda jaio da", eta bereziki kritikatu dute "adostasun falta" edo Espainiako Gobernuak "separatistei saldu izana", gaztelania komunikazio hizkuntza gisa kenduta, arau hori aurrera ateratzeko.
Gainera, gurasoek ikastetxea aukeratzeko duten "askatasunari", itunpeko irakaskuntzari, Hezkuntza Bereziko ikastetxeei eta Erlijioari "eraso" egitea arbuiatu dute.
Rosa Peralek (EAJ) tramitazioa "azkarregia" izan dela uste du, nahiz eta otsailaren 25era arteko epea izan, baina Celaa legea ez dela itunpekoaren eta Hezkuntza Bereziko zentroen aurkakoa eta ez duela gaztelania ezabatzen adierazi du.
CSIF sindikatuaren ustez, legeak "ez ditu gure hezkuntzaren egiturazko arazoak konpontzen, pandemiak larriagotu egin dituenak", eta "arauaren elementu positiboak garatzeko eta gabeziak gutxitzeko negoziazio adostua" eskatu du.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.