124 positibo berri atzeman dituzte Nafarroan, azken asteetako kopururik altuena
Nafarroan, positibo berriak 124ra igo dira (bezperan 70 izan ziren), azken asteetako kopururik altuena, Foru Gobernuak emandako datuen arabera. Positibotasun-tasa ere igo egin da, % 6,4koa baita.
Koronabirus kasuek, beraz, nabarmen egin dute gora Nafarroan azken orduetan, 70 kasu zenbatu baitituzte astearte honetan eta 79, berriz, astelehenean.
Atzo covid bidezko bost pertsona gehiago ospitaleratu zituztencovid-aren, horietako bi ZIUn. Gainera, hiru pertsona hil ziren, 73 eta 83 urteko bi gizon eta 82 urteko emakume bat. Guztira, 953 pertsona hil dira Nafarroan.
Asteazken honetan, 1.949 proba egin ziren Nafarroan, (PCR eta antigeno testak), eta positibotasun tasa % 6,4koa izan zen; aurreko egunean, berriz, % 3,3koa izan zen.
Kasu berri horien artean daude Iruñeko Echavacoiz auzoko San Jose zentroan atzemandako 22 kasuak. Kasu horiez gain, Barañain (7 positibo), Iruñeko II. Zabalgunea (6) eta Irurtzun, Beriain eta Iturrama (5) dira eguneko zerrendan lehen postuetan daudenak.
Eskualdeka, Iruñean eta bere eskualdean atzeman dira kasu positibo gehien, % 65, hain zuzen ere; Tuteran, berriz, % 11 eta Lizarran % 8. Gainerako positiboak ( % 16) Nafarroako beste leku batzuetan daude. Positibo berrien batez besteko adina 48 urtekoa da. Kasuen % 58 emakumeak dira eta % 42 gizonak.
Atzo duela bi hilabete ezarritako konfinamendu perimetrala altxatu zen Nafarroan. Atzo hasi eta abenduaren 26ra arte, eta 30etik urtarrilaren 2ra arte, Foru Erkidegotik irten edo sartu ahalko da, betiere Gabonetako otorduak familiarekin egiteko. Hori bai, dokumentu bat eraman beharko dute aldean, bidaia baldintzen araberakoa dela egiaztatzeko.
Zure interesekoa izan daiteke
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.