Elurrak errepideen egoera zaildu du asteburuan
Arantzazu, Artikutza, Bizkaiko behatokia, Elosua, Larreineta eta Urkiola mendateak, guztiak bigarren mailako sarekoak, itxita daude ibilgailuentzat, elurra edo izotza dela eta.
Eusko Jaurlaritzako Segurtasun Sailak jakitera eman duenez, kamioiek eta artikulatuek debekatuta dute pasatzea Ubal mendatean, eta auto-gidariei arreta eskatu diete; Zaldiaranen, berriz, kateak erabili behar dituzte ibilgailu mota guztiek.
Halaber, izotza eta elurra direla eta, 30 mendate baino gehiagotan kontuz gidatzeko gomendatu dute. Tartean dira AP-68a, Altube parean, eta N-1 errepidea, Etzegaraten.
Elurragatik gaurko eta biharko ezarritako abisu horia luzatu egin dute, gainera. Igandean eta astelehenean 300 eta 500 metro artekoa izango da elur-kota, baina asteartean 200-400era jaitsiko da. Dena dela, abisu horia urtarrilaren 5eko 18:00etan amaitzea aurreikusten dute, prezipitazioak gutxitzearekin batera.
Nafarroa
A-1 autobideak (Iparraldeko autobia) zirkulazio etenaldiak ditu igande honetan Gipuzkoan, Irunerako noranzkoan, elurrak kamioien zirkulazioa oztopatzen baitu. Beraz, A-10 errepidetik (Sakanako autobia) eta A-15 errepidetik (Leitzarango autobia) desbideratzea gomendatzen da.
Bigarren mailako errepideetan kateak erabili behar dira NA-137 errepidean (Burgi-Isaba-Ipar Euskal Herria) 45. puntu kilometrikoan (Hagako Mata, Belaguako portuaren hasiera), eta itxita dago 58. Puntu kilometrikotik. NA-7510 errepidea (Aralarko San Migelerako sarbidea) ere itxita dago.
Salbuespen gisa, egoera meteorologikoagatik, Erronkariko haranera sartzeko baimena ematen da Aragoiko probintzia-muga zeharkatuz, A-137 errepidearen bidez. Errepide hori Carrica Bentatik abiatzen da, Esako urtegian, eta NA-137rekin lotzen da Burgiko udalerrian. Horrela, NA-214 (Nabaskoze-Burgi) errepidea erabiltzea eta Las Coronaseko portutik igarotzea saihesten da.
Nafarroako Gobernuak elurra kentzeko 53 makina prest ditu elurrari eta izotzari aurre egiteko. Hala ere, kontuz gidatzeko eskatu die gidariei, eta goizaldean 60 makina martxan jartzeko asmoa du Foru Exekutiboak.
22:00etatik aurrera elurra kentzeko 46 makina egongo dira lanean, 06:00etatik aurrera 60 makina izango dira.
Zure interesekoa izan daiteke
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.