LABIren bilera deitu du lehendakariak ostiral honetarako
Iñigo Urkullu lehendakariak LABIren bilera deitu du ostiralerako, egungo egoera epidemiologikoa aztertzeko eta balizko neurri berriak hartzeko, EiTB Mediak jakin ahal izan duenez. Lehendakariak, beraz, aurreratu egin du hitzordua, izan ere, urtarrilaren 27an zegoen aurreikusita hurrengo LABIren bilera.
Espainiako Gobernuarekin eta gainerako erkidegoetako arduradunekin arratsalde honetan egindako bileran, Eusko Jaurlaritzak ondoko neurriak proposatu ditu: udalerri guztiak perimetralki ixtea eta 19:00etarako establezimendu denak ixtea eta jarduera sozialak, kulturalak eta kirol ekitaldiak amaitzea.
Gainera, eremu publiko eta pribatuan gehienez 4 pertsona elkartu ahal izatea eskatu du, bizikideen kasuak salbuetsita.
Lurraldeen arteko batzordean, etxeratze-agindua 20:00etara aurreratzea ere proposatu du, baina Osasun Ministerioak oraingoz neurri baztertzea erabaki du.
Espainiako Gobernuak etxeratzeko agindua aurreratzea errefusatu ostean, lehendakariak sare sozialen bidez esan du "aukera bat" galdu dela "adostasunean sakontzeko", eta "egoera oso larria" dela gogoratu du.
Hala eta guztiz ere, hau azpimarratu du: "Euskadik pandemiaren kontrolerako dituen tresnekin lanean jarraituko du, aurkeztu ditugun proposamenak gauzatzen saiatuko gara".
LABIren Aholku Batzordea urtarrilaren 11n bildu zen azkenekoz, eta neurri berriak hartu zituen, hala nola EAEko lurralde historikoen perimetroa berriro mugatzea eta 14 egunean 100.000 biztanleko 500 kasu baino gehiago dituzten udalerriak konfinatzea.
Positibo berriak 1.046 izan dira asteazken honetan, Eusko Jaurlaritzako Osasun Sailak emandako datuen arabera. Azken astean, 62 pertsona hil dira EAEn.
Zure interesekoa izan daiteke
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan erreskatatu dituzte, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.