Klima aldaketari aurre egiteko "eredu aldaketa" eskatuko dute herri eta hirietan
"Denbora agortzen" ari da, eta "larrialdi klimatikoari aurre egiteko neurriak berehala" hartu ezean, atzera-bueltarik izango ez duen egoera baten aurrean egongo da mundua. Arazoa globala bada ere, "norberaren etxean, auzoan eta herrian hasten da". Horregatik, "ingurumen politikak errotik aldatzea" nahitaezko baldintza da, klima-aldaketa geratu nahi bada. .
Mezu hori zabalduko dute gaur Bizkaiko eta Gipuzkoako herri eta hirietan, U30 Aldaketaldia goiburupean, Larreko Mahaia plataformak —Greenpeace, Fridays For Future, Erraustegiaren Aurkako Mugimendua, GuraSOS, ELA, LAB, Steilas, EHNE, Ernai eta Ikasle Sindikatua— deitutako mobilizazioetan. Lorea Flores Greenpeace mugimendu ekologistaren Euskal Herriko koordinatzailea ari da antolaketa lanetan, eta herritar guztiak parte hartzera deitu ditu.
Sistemaren goitik beherako eraldaketa da U30 Aldaketaldia ekimenak eskatzen duena. "Bizitza eta ingurumena erdigunean" jarri, eta enpresa pribatuen etekin ekonomikoak bigarren mailara igarotzea ekarriko duen eredu aldaketa, Floresen hitzetan. "Gauzak beste modu batera egiten hasi behar dugu, ezin dugu hazkunde mugagabe batean jarraitu, horrek planetan eta pertsonengan duen eragina kontuan hartu gabe", gaineratu du.
Zaldibarko zabortegia behera etorri zela urtebete betetzear dela egin dute gaurko deialdia, eta "ez da kasualitatea". "Gertatutakoa gertatuta ere", hondakinen "kudeaketa eredu baldarra" aldatzeko "ahaleginik ez" dute egin EAEko erakundeek, eta hori ere salatu nahi dute, Zaldibar Argitu plataformak datorren larunbaterako antolatu dituen ekintzei babesa adieraztearekin batera.
Klimaren Aldaketari buruzko Adituen Gobernu arteko Taldearen (IPCC, ingelesezko sigletan) ikerketa ekarri du gogora Floresek: "Talde horrek 2018an esan zuen 10 urte baino ez zitzaizkigula geratzen egoerari aurre egiteko. 2021ean gaude eta aldaketa gutxi nabaritu dira. Denbora gutxi geratzen zaigu egoerari buelta emateko. Gainera, erakundeetatik bultzatzen ari diren politika berdeak nahikoak ez direla argi ikusi da. Beraz, etorkizun beltza dugu".
Benetako konpromisoa eskatu die Floresek agintariei. Bere hitzetan, ingurumenarekin eta larrialdi klimatikoarekin lotuta "promesa eta hitz polit asko bai", baina "benetako ekimenik" ez dago. Horren adibide, Iñigo Urkullu lehendakariak 2019ko uztailean egindako iragarpena ekarri du gogora; klima-aldaketari aurre egiteko larrialdi-egoera ezarri zuen lehendakariak EAEn, eta "premiazko eta asmo handiko ekimenak" iragarri zituen. Greenpeaceko eragilearen ustez, "Jaurlaritzak ez du inolako norabide aldaketa nabarmenik bultzatu eta larrialdi-egoera onartu izan ez balu bezala jarraitzen du, iraganeko eredu zaharkituekin". Herritarren artean ere, "kontzientzia lan sakona" egiteko beharra ikusten du Floresek, baina horretarako "politika aldaketak behar dira".
Askotariko ekintzak daude antolatuta gaurko eta datorren aste osorako; elkarretaratzeak, manifestazioak edota auzolanak. Bilbon eta Donostian gaur arratsaldean egingo diren martxak izango dira ekitaldi nagusiak: Donostiakoa 17:00etan abiatuko da, Gladys Eneatik, eta Bilbokoa, 17:30ean, Kale Nagusitik.
Zure interesekoa izan daiteke
Haizeak eta bertara iristeko zailak diren guneetako fokuek zaildu egin dituzte Ezkabarteko baso-sutea itzaltzeko lanak
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli dira. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nola ospatuko da LGTBIQ+ Harrotasunaren Eguna Euskal Herrian?
Ekainaren 28an, Harrotasunaren Nazioarteko Egunean, Euskadiko eta Nafarroako hiriburuetan hainbat jarduera egingo dira larunbat eta igande honetan, LGTBIQ+ kolektiboaren eskubideak aldarrikatzeko.
Nafarroako Gobernuak nekazaritza lanak mugatu ditu lehorreko lurretan gaurtik, sute arriskuagatik
Maria Chivite Nafarroako Gobernuko presidenteak azaldu duenez, nekazaritza eta basogintza lanak 06:00etatik 11:00etara baino ezingo dira egin.
Oinezko batzuei eraso egin ostean Santurtziko Udaltzaingoak zauritu zuen gizon bat hil da
Astelehenean eraman zuten ospitalera, Udaltzaingoak indarrez menderatu eta gero, hainbat pertsonari eta bertara joan ziren agenteei eraso egin ondoren. Bi egun geroago hil da, ospitalean.
Gaur hasiko da udako trafikoko operazio berezia, eta kanpoko 2,27 milioi ibilgailuk EAE zeharkatzea espero dute
Uda honetan, nazioarteko eta barruko joan-etorriak areagotzea aurreikusten da, eta, hori dela eta, Eusko Jaurlaritzak neurri bereziak hartuko ditu, trafikoa hobeto kudeatu eta udako gorabeherak murrizteko.
Auto-ilara luzeak BI-10 errepidean Bilbon, Kantabriarako noranzkoan, istripu baten ondorioz
BI-10 errepideko zirkulazioan eragina izan du istripuak, eta arazo handiak daude Kantabriarako noranzkoan. Une batzuetan, 3 kilometrotik gorako auto-ilarak erregistratu dira Bilbo inguruan.
Emakumezko bidaiariak: "Ez dut bakarrik bidaiatzen, neure buruarekin baizik"
Zerk bultzatzen ditu emakumeak inor barik bidaiatzera? Zeintzuk herrialde dira egokienak? Segurtasun, ekonomia eta logistika gomendioak bildu ditugu, hiru euskal emakumezko bidaiariren laguntzarekin.
Albiste izango dira: Venezuelako lurrikaren biharamuna, baso-sutea Ezkabarten eta irteera operazioa hasiko da
Gaurkoan Orain-en albiste izango direnen laburpena, bi hitzetan.
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.