EAEk gune gorritik ateratzea lortu du, intzidentzia tasa 495 kasura jaitsita
Euskal Autonomia Erkidegoan 423 covid-19 kasu berri atzeman dituzte azken 24 orduetan, eta positiboen tasa % 4,8an dago orain. Ostiralean % 5eko tasa gainditu bazuen ere, datuak hobetzea lortu du berriro EAEk.
Hain zuzen ere, 495,16 kasuan dago azken hamalau egunetan pilatutako intzidentzia tasa, hots, gune gorritik irten da EAE, 100.000 biztanleko 500 positibo baino gutxiago baititu gaur-gaurkoz. Urtarrilaren 20tik izan den intzidentzia tasa baxuena da gaurko hau.
Eusko Jaurlaritzako Osasun Sailak emandako datuen arabera, 8.800 proba egin zituzten larunbatean; aurreko egunean baino 2.356 gutxiago. Esan bezala, 423 pertsonak eman zuten positibo; ostiralean baino 190 pertsona gutxiagok.
Urtarrilaren 3az geroztik, kutsatuen kopurua ez da egun bakar batean ere hain baxua izan.
Lurraldeka banatuta, Araban zenbatu dituzte positibo horietatik 58, Bizkaian 242, eta Gipuzkoan 115. Bestalde, EAEtik kanpo bizi diren 8 pertsona kutsatu dira.
Ospitaletako egoerari dagokionez, 31 pertsona ospitaleratu zituzten larunbatean (ostiralean, berriz, 80), eta 170 daude oraindik ere ZIUn.
Bi pertsona hil dira Bizkaiko zaharren egoitzetan
Bi egoiliar zendu dira azken 48 orduetan Bizkaiko zaharren egoitzetan. Guztira, 49 pertsona daude covid-19ak jota, eta 3.175 lagunek gaixotasuna gainditzea lortu dute.
Bizkaiko Foru Aldundiak emandako datuen arabera, larunbatean 15 adinekok eman zuten positibo, alegia, ostegunean baino sei pertsona gutxiagok.
Bestalde, 17 egoiliar daude ospitaleratuta, covid-19aren birusagatik; azken zenbaketan baino sei gutxiago.
Egoiliar bat kutsatu da Gipuzkoako zahar-egoitzetan
Gipuzkoako erresidentzietan positibo berri bat atzeman dute igande honetan. Bi egoiliarrek, ordea, birusari aurre egitea lortu dute. Gauzak horrela, zortzi kasu positibo daude gaur-gaurkoz Gipuzkoako erresidentzietan.
Foru Aldundiak emandako datuen arabera, abuztuaren 11az geroztik, 154 adineko hil dira eta 668k gaixotasuna gainditu dute.
Bestalde, zazpi pertsona daude ospitaleratuta Ordizian eta Eibarren covid-19 gaixoentzat prestatutako zentroetan.
57 kasu berri Nafarroan
Nafarroako Osasun Sistemak 57 kasu positibo berri atzeman zituen atzo, aurreko egunean baino 25 gutxiago, Gobernuaren behin-behineko datuen arabera. Abenduaren 20az geroztik zenbatutako kopururik txikiena da larunbatekoa. Orduan ere 57 kasu atzeman zituzten.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.