Osasun Sailak datorren astean hasi nahi du 80 urtetik gorakoen txertaketa
Gotzone Sagardui Eusko Jaurlaritzako Osasun sailburuak aurreikusi du datorren astean 80 urte baino gehiagoko pertsonak txertatzen hasi ahalko direla, betiere nahikoa dosi heltzen bada. Horrez gain, iragarri du kanpaina hasi zenetik covid-19aren kontrako 100.000 txerto baino gehiago jarri dituztela Euskal Autonomia Erkidegoan (EAE).
Sagardui Bingen Zupiria Jaurlaritzaren bozeramailearekin batera agertu da kazetarien aurrera, gobernu bileraren ondotik. Eguneko datu epidemiologikoen berri emateaz gain, txertaketa kanpainaren ingurukoak xehatu ditu sailburuak.
Hala, iragarri du dagoeneko 100.000 txerto eman dituztela (57.970 lehen dosi eta 43.682 bigarren dosi). Txertaketak asteon jarraituko du, eta 14.700 prestakin jarriko dituzte. Horiekin adinekoen egoitzetako eta Osakidetzako lehen lerroko txertaketa amaitu, eta bigarren lerroko langileak txertatzen jarraituko dute.
Osakidetzako profesionalen txertaketari dagokionez, Osasun arduradunak zehaztu du langileen % 45 lehen dosiarekin babestu dituztela. Horrez gain, astearte honetan hasi dira klinika eta ospitale pribatuetako beharginak txertatzen, eta bihar Ertzaintzako agenteak AstraZenecaren txertoarekin immunizatzen hasiko dira.
Azkenik, Sagarduik esan du datorren astean 80 urte baino gehiagoko pertsonak txertatzen hasi nahi dutela, eta argitu du EAEn 150.000 bat pertsona daudela adin horretatik gora. Sailburuaren hitzetan, Osakidetza eurekin jarriko da harremanetan seruma non eta nola hartu behar duten zehazteko.
Halaber, sailburuak baieztatu du Bizkaiko Fiskaltzak artxibatu egin duela Eduardo Maiz eta Jose Luis Sabas Basurtu eta Santa Marinako ospitaleetako kudeatzaileen txertaketa irregularrengatik abiatutako izapideak. Sagarduiren hitzetan, atzo jakinarazi zieten berria. Dena den, LABek jarritako helegitearen inguruko erabakia hartzeke dago.
Aldaera britainiarra, kasuen % 20ren erantzule
Koronabirusaren aldaera ezberdinek Euskadin duten intzidentziaz galdetuta, sailburuak nabarmendu du Espainiako estatuan izandakoaren antzekoa dela aldaera britainiarrarena, hots, kasuen % 20ren bueltakoa. "Ez dugu kutsagarritasun gehiago atzeman, eta ematen ari garen txertoek eraginkortasuna dute horren kontra", azpimarratu du.
Hegoafrikako aldaeraren kasurik erregistratu ez dutela erantsi du Sagarduik.
Zure interesekoa izan daiteke
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.