Positibo berriak 368 dira Euskadin, eta intzidentziak behera egiten jarraitzen du
Covid-19aren positibo berriek behera egin dute eta 368 dira azken orduetan, aurreko egunean baino 34 gutxiago, baina positibotasun tasa puntu bat igo da, 4,9ra arte, egindako 7.580 test diagnostikoen ondorioz, asteazkeneko 10.179 testen azpitik.
Datu horiekin, 100.000 biztanleko 14 egunetan metatutako kasuen tasak beherantz jarraitzen du, eta hamabi puntu baino gehiago jaitsi da; beraz, 282,04 puntutan dago (aurrekoan 294,54 zen).
Positibo guztietatik, 218 Bizkaian atzeman dituzte (asteazkenean baino bat gutxiago), 88 Gipuzkoan (15 gutxiago) eta 59 Araban (19 gutxiago). Horiez gain, autonomia erkidegotik kanpo bizi diren hiru pertsona daude kutsatuta, asteazkenean baino bat gehiago.
Intzidentzia metatua 300 baino txikiagoa da Araban (258,62) eta Gipuzkoan (211,53), eta kopuru horren gainetik jarraitzen du Bizkaian (326,53). Hala ere, hiruretan jaitsi egin da asteazkeneko datuekin alderatuta.
Gainera, Oinarrizko birsorkuntza tasa, gaixo batek zenbat pertsona kutsa ditzakeen adierazten duena, berriro jaitsi da eta 0,86an kokatu da, aurreko eguneko 0,87aren aldean,eta 1etik behera mantendu da otsailaren 2tik.
Indizeak behera egin du hiru lurraldeetan: Araban bi egun jarraian egon da 1etik gora, eta atzo 0,99an kokatu zen. Bizkaian 0,83an dago eta Gipuzkoan 0,85ean.
Asistentzia-presioak azken egunetako joera onari eusten dio, eta hiru pertsona gutxiago daude zainketa intentsiboetako unitateetan ospitaleratuta. Hala, gaixo larrien kopurua 126koa da azken orduetan.
Gela arruntetan, ostegun honetan, 45 pertsona ospitaleratu behar izan zituzten (aurreko egunean baino 13 gehiago), eta 313 gaixo zeuden.
Gorriz dauden udalerriei dagokienez, intzidentzia handiko zerrenda horretan jarraitzen dute Deriok, Santurtzik eta Sopelak, Bizkaian, eta Oñatik, Gipuzkoan.
Bizkaiko eta Gipuzkoako zaharren egoitzetan gaur egun ez dago covid-19a duen erabiltzailerik, pandemiaren garaian lehen aldiz eta txertoen eraginari esker.
Arabari dagokionez, egoitza-zentroek emandako datuen azken eguneratzeen arabera, berriro ere behera egin du lurraldeko adinekoentzako egoitzetan koronabirusa duten pertsonen kopurua. Joan den asteartetik, erdira jaitsi da birusaren eragina. Gaur egun, bederatzi kasu aktibo daude Arabako egoitzetan.
Azken egunetan, bederatzi pertsonak gainditu dute koronabirusa. Udan bigarren olatua hasi zenetik, 320 adineko egoiliar osatu dira gaixotasunetik.
Euskal Autonomia Erkidegoko 40 ikastetxetan 62 ikasgela itxita daude ostiral honetan covid-19aren eraginez, bezperan baino 11 gehiago, Eusko Jaurlaritzako Hezkuntza Sailak jakinarazi duenez.
Ikasturte honetan 17.554 ikasgela daude guztira Euskadiko hezkuntza sisteman, bi urtetik unibertsitatez kanpoko derrigorrezko hezkuntza ondoko mailetaraino, eta horrela, astearte honetan itxitako ikasgelen kopurua guztien % 0,35 da.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.