2022ko erdialdera arte ez gara normaltasunera itzuliko, gehiengo baten aburuz
Euskal gizarteak ez du uste aurten pandemia aurreko bizimodua berreskuratzeko modua izango dugunik, eta gehiengoak 12-18 hilabete gehiago beharko direla aipatu du, EITB Focusen azken inkestaren arabera.
Gizaker inkesta etxeak EITB MEDIAren albistegientzat egindako makroinkestak koronabirusa izan du hizpide, pandemiaren urtemuga betetzen den honetan. Otsaileko azken astean EAEko 1.200 herritarri telefono bidez egindako elkarrizketak ditu oinarri.
Gaur kaleratu den lehen atal honetan, besteak beste, oporrak gertu daudela eta, turismoari eta ostalaritzari laguntzeko asmoz, murrizketak arindu behar ote diren galdetu zaio jendarteari. Gehiengo zabal batek (zehazki, % 78k) ez du uste Aste Santua "salbatu" behar denik; % 15,2k, ordea, beharrezkoa dela iritzi dio.
Udari begira ere, ziurgabetasun handia dago, baina euskal gizarteak ez du horren argi, eta zatituta dago: herritarren ia % 44k akats gisa hartuko lukete osasun neurriak arintzea turismoaren eta ostalaritzaren mesedetan. Kontrako iritzia dutenak, hau da, uda "salbatu" behar dela uste dutenak, % 35,4 dira.
Nolanahi ere, gehientsuenak (% 85,6) zuhurrak dira udako oporrak aldez aurretik antolatzeari begira, eta bilakaeraren "zain" egongo direla nabarmendu dute. Herritarren % 9k bakarrik antolatuko dituzte oporrak aldez aurretik.
Txertaketa gorabehera, murrizketei eutsi
Pandemia aurreko egoera berreskuratzea nahiko urrun ikusten du oraindik euskal gizarteak, eta jakin badaki, txertaketan aurrera eginda ere, ez direla murrizketak desagertuko. Hala, herritarren erdiak (% 49) uste du adinekoak eta talde zaurgarrienak txertatuta daudenean osasun neurri batzuei behintzat eutsi behar zaiela, eta biztanleria osoa immunizatuta dagoenean ere, iritzi berekoak dira galdetutakoen % 49.
Azkenik, koronabirusa dela-eta murriztu dizkiguten eskubideak aldarrikatzeko izan diren protesten eta istiluen inguruan, zatituta dago euskal gizartea. Erdiari "ulergarriak" egiten zaizkio; beste % 44ak, aldiz, uste du ez direla onargarriak.
Fitxa teknikoa
Gizakerrek EITB MEDIAko albistegietarako egindako inkesta EAEn bizi diren 1.200 pertsonari egin zitzaien (400 Araban, 400 Bizkaian eta 400 Gipuzkoan).
La= ±% 2,83, konfiantza-maila % 95, p=q=0´5, EAEko datuetarako. Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2021eko otsailaren 23tik 26ra egin zuten, telefono bidez.
Galdeketen batez besteko iraupena 11,68 minutukoa izan zen: motzenak 8 minutu iraun zuen, eta luzeenak, 26 minutu.
Zure interesekoa izan daiteke
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, ibilgailuekin jarraitu dutelako, Eusko Jaurlaritzako Segurtasun Sailak jakinarazi duenez.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.
Monte Perdidon izandako elur-jausiak agerian utzi du Pirinioetan elur-jausiak gertatzeko arriskua handia dela
Azken egunetako elurte gogorrek metro erdiraino utzi dute elurra Aragoiko Pirinioetan, elur-jausien arriskua areagotuz. Astelehenean mendizale batek Monte Perdidon grabatu zuen elur-jausi berri bat, eta Aragoiko Gobernuak arreta handia eskatu die mendialdeetako bizilagun eta bisitariei.
Behin behineko espetxealdia ezarri diote Barakaldon emakume bat hiltzeagatik atxilotutako gizonari
Homizidioa eta eraso sexuala delituak leporatu dizkio epaileak biktimaren lankidea zen 27 urteko gazteari.