Intzidentzia 60ra jaistea "urrun dago" eta "asko kostatuko da", Sagarduiren ustez
Gotzone Sagardui Eusko Jaurlaritzako Osasun sailburuak gaur ohartarazi duenez, 14 eguneko 100.000 biztanleko intzidentzia tasa metatua 60 kasura jaistea "urrun dago" eta "asko kostatuko da". Urkulluren Gobernuak ezarritako helburuetako bat da, hain zuzen ere, intzidentzia 60 kasura jaistea.
"Egoera kezkagarrian jarraitzen dugu. Ez dezagun pentsa 200en azpitik egoteagatik irten garenik. Hobeto gaude, baina ez gara atera", azpimarratu du Sagarduik Forum Europa-Tribuna Euskadi hitzaldi-gosarian.
Bestalde, txertaketaren eraginkortasuna nabarmendu du: "Duela bi hilabete inguru iritsi ziren lehen txertoak eta ondorioak begi bistakoak dira. Hilabetetako kontua izango da normaltasunaren gertuko egoera batean bizi ahal izatea".
Hala ere, datozen asteei begira, txertoen hornikuntzaren inguruko zalantzek "ziurgabetasun egoera" sortu dutela onartu du. "Eszenatokia aldakorra da, eta une oro egoerara moldatzen saiatzen ari gara", azaldu du.
Hasiera batean, estrategia kontserbadorea jarraitu zuen Eusko Jaurlaritzak, eta iristen ziren dosietako batzuk gordetzen zituen, lehen txertoa jasotzen zutenei bigarren dosia bermatzea ezinbestekoa zela argudiatuta. "Estrategia egokia izan dela uste dugu, bigarren dosiak bermatu ahal izan ditugu ", gehitu du.
Sailburuak aste honetan argitaratu den Osasun Ministerioaren zerrenda bat aipatu du. Sagarduiren hitzetan, ranking horren arabera, Euskal Autonomia Erkidegoa (EAE) da, Aragoiren eta Nafarroaren atzetik, adinekoen egoitzetan bigarren dosi gehien jarri dituen erkidegoa. "Gainerakoek zergatik duten desfase hori? Txertoak falta izan direlako bigarren dosia emateko", gaineratu du.
Orain, AstraZenecaren txertoaren dosiak ez gordetzea erabaki du Urkulluren Gobernuak. Bigarren dosia 10-12 asteko epean eman daitekeela baieztatu du Jaurlaritzak, eta, beraz, Sagarduiren hitzetan, ez dago biltegiko erreserba agortzeko arriskurik.
Zure interesekoa izan daiteke
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Aurrerantzean, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.