Intzidentzia tasa metatua 60 kasura jaistea da Jaurlaritzaren helburua
Iñigo Urkullu lehendakariak aitortu duenez, covid-19aren kontrako borroka "ez da erraza izaten ari eta ez da izango", baina Jaurlaritzak argi ditu zeintzuk diren bere helburuak: batetik, 14 eguneko 100.000 biztanleko intzidentzia tasa metatua 60 kasura (egun 664,13tan dago) jaistea eta txertaketa kanpainarekin jarraitzea.
Lehendakariak Legebiltzarrean egin ditu adierazpenok, Luis Javier Telleria EAJren legebiltzarkideak kontrolerako saioan egindako galderari erantzunez.
Euskal gizarteak egindako ahalegina txalotu du Urkulluk, eta neurri murriztaileak betetzen jarraitzeko deia egin du.
"Gure helburua da epe laburrean 500 kasuko intzidentzia tasa metatutik jaistea, eta epe luzeagora, 60 kasura bajatzea", nabarmendu du.
Txertaketa ahotan, lehendakariak esan du "oinarrizkoa" dela pandemiaren kontrako borrokan. Dena dela, ohartarazi du "bial eskasiak baldintzatuta" dagoela orain.
"Euskadik bere txertaketa helburuak beteko ditu", azpimarratu du, eta erantsi orain arte 50.000 dosi eman dituztela protokoloak jarraituz. Aitortu du "bi irregulartasun kasu bakarrik" egon direla, eta horren harira, iragarri du Sagarduik Jaurlaritzaren Etika Batzordean egin duela kasuen inguruko kontsulta.
Zure interesekoa izan daiteke
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.