Kutsatzeen igoera nabarmena Nafarroan: ia 100 kasu atzeman dituzte
Kutsatzeen kopuruak nabarmen egin du gora Nafarroan azken orduetan, eta ia 100 zenbatu dituzte (99), Foru Gobernuak emandako behin-behineko datuen arabera.
Zehazki, atzo 2.231 proba diagnostiko egin zituzten (aurreko egunean baino 101 gehiago) eta horietatik % 4,5 positibo izan ziren. Positibotasun tasak puntu bat baino gehiago egin du gora (% 3,2an zegoen astelehenean).
Joan den otsailaren 9tik izandako kopururik altuena da (139 positibo atzeman zituzten orduan). Bezperako datuekin alderatuta, 31 gehiago dira, eta duela astebete eta bi aste baino 47 eta 42 gehiago, hurrenez hurren.
Guneka, Lizarran eta Iruñeko Txantrea auzoan atzeman dituzte kasu gehien, zazpina, hain justu. Lerinen eta Lodosan sei kutsatze zenbatu dituzte.
Gainera, martxoaren 8tik 14ra, aldaera britainiarrarena izateko susmoa zuten kutsatzeak balantze osoaren % 67ra iritsi ziren.
Atzo 73 ziren covid-19arekin Foru Erkidegoko ospitaleetan ingresatuta zeudenak, bezperan baino bi gutxiago.
Zortzi pertsona ospitaleratu zituzten koronabirusarekin lotuta, horietako bi ZIUn, eta bi pertsona hil ziren, 54 eta 82 urteko bi gizonezko. Hala, Nafarroan 1.118 pertsona hil dira gaitzak jota pandemia hasi zenetik, eta 52.347 kutsatu dira.
Osasunbideak jakinarazi du osasun langileen artean lau daudela kutsatuta, eta azken astean kutsatze bakar bat izan dela, 13.000 profesionalek osatutako sektorean.
Kasu berrien artean, 15 urtetik beherakoak izan dira % 25, eta % 22a 30 eta 44 urte artekoei dagokie. Ondoren daude % 20arekin 45 eta 59 urte artekoak, 15-29 urtekoak (% 17), 60-75 urtekoak (% 13), eta 75 urtetik gorakoak (% 3).
Positibo berrien batez besteko adina 35,5ekoa da da, eta % 52 gizonezkoak dira.
Txertaketa prozesuko azken datuen arabera, atzo 1.255 dosi eman zituzten, eta jasotako 109.485 dosietatik 91.684 dira jarritakoak, tartean AstraZenecaren 9.500.
29.580 pertsonak immunizazio prozesua osatu dute bigarren dosia jaso ostean, eta horietatik 598k, atzo.
Zure interesekoa izan daiteke
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.