Txertaketa gizarte osora zabalduko du EAEk datorren astetik aurrera
Euskal Autonomia Erkidegoa (EAE) datorren astetik aurrera hasiko da 65 urtetik beherako herritar guztiak txertatzen, Gotzone Sagardui Osasun sailburuak gaur jakinarazi duenez. Sagarduiren esanetan, AstraZenecaren prestakinak erabiliko dituzte horretarako, eta prozesua immunizatu gabe geratzen diren funtsezko langileen txertaketarekin batera egingo da.
Eusko Jaurlaritzaren gobernu bileraren ondoko prentsaurrekoan azaldu duenez, bihar helduko diote berriro AstraZenecaren txertoarekin inokulatzeari, duela astebete egindako etenaren ostetik. Txertoa jaso zuten pertsona batzuek odolbilduak izan zituztela eta (EAEn ez da kasu larririk izan), txertaketa bertan behera utzi zuten hilaren 15ean, baina Europako Sendagaien Agentziak egindako ikerketak ondorioztatu zuenez, prestakina "segurua eta eraginkorra" da.
Horrekin lotuta, lasaitasunerako deia egin nahi izan du Osasun sailburuak. Nabarmendu duenez, EAEn 53.000 dosi baino gehiago eman dira, eta ez da bigarren mailako ondorio larririk izan.
Hala, bihartik igandera 27.000 dosi jarriko dituzte joan den astean hitzordua zutenen artean. Zehazki, unibertsitatetik kanpoko hezkuntzako langileei mezuak bidaltzen hasiko dira, internet bidez hitzordua berriro har dezaten eskatuz.
Horrez gain, txertatu gabe geratu ziren taldeak immunizatzen jarraituko dute, hala nola, aireportuetan suhiltzaile lanetan dabiltzanak, Bilboko eta Pasaiako portuetako profesionalak, garraiobide publikoetako gidariak eta arrantzaleak.
Halaber, jada inokulatuta dauden taldeetako 55-65 urteko funtsezko beharginak babesten ere hasiko dira. Tartean daude ertzainak, udaltzainak, beste segurtasun indarreko agenteak, suhiltzaileak eta osasun arloko bigarren lerroko langileak.
65 urte beherakoen txertaketa, aldi berean
Ondoren, martxoaren 29tik hasita, 65 urtez azpikoak immunizatzeari ekingo diote, adinez hurrenkeran.
Sailburuak ohartarazi duenez, EAEra heltzen diren dosien araberakoa izango da txertaketa, funtsezko langileenarekin batera egingo dutelarik.
Sagarduik aitortu du ez dela lan erraza, baina ziurtatu du Euskadik "ahalegina" egingo duela txertaketa erritmoa "ahalik eta arinen" berreskuratzeko.
Ostiral honetan AstraZenecaren 10.000 dosi gehiago iritsiko dira Euskadira, eta atzo iritsi ziren Pfizerreko 37.440 dosiei gehituko zaizkie, 80 urtetik gorakoei zuzenduta.
70 urteko biztanleriaren txertaketari buruz galdetu diotenean, azaldu du txertoa adin-tarte horretarako produkturik egokiena zein den eta Osakidetzan sartzen diren dosien araberakoa izango dela.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.