Ikastetxeak eta funtsezkoak ez diren dendak itxita, Ipar Euskal Herrian
Pandemia geldiarazteko saiakera berri batean, Frantziak itxialdia egingo du hilabete honetan, hirugarrena urtebetean. Martxoan eta azaroan aplikatutakoak baino arinagoa izan arren, ikastetxeak eta funtsezkoak ez diren saltokiak itxiko dituzte. Gainera, neurri berriek mugikortasuna mugatuko dute.
Era berean, neurri murriztaileak Lapurdin, Zuberoan eta Nafarroa Beherean aplikatuko dira, bertako egoera epidemiologikoa kontuan izan gabe. Hegoaldean baino intzidentzia baxuago dute Ipar Euskal Herrian. Horregatik, azken neurriek herritarren artean nolabaiteko haserrea eragin dute.
Egunean 37.000 positibo berri inguru zenbatzen dituzte Frantziako estatuan. ZIUetan 5.200 paziente baino gehiago daude, bigarren olatuko kopururik handiena.
Hirugarren itxialdia ofizialki larunbat arratsaldean sartu da indarrean, etxeratze aginduarekin batera; beraz, kontrolak handitu diren lehen eguna dute gaur Frantzian. Ezinbestekoa ez baldin bada, ez dago estatu barruan bidaiatzeko aukerarik; ziurtagiririk gabe ezin izango da mugitu etxetik 10 kilometro baino gehiagora.
Hala ere, Pazko oporraldia dela eta, mugikortasunarekin nolabaiteko tolerantzia izaten ari dira agintariak; esaterako, seme-alabak aitona-amonekin uzteko edo itxialdia bertan pasatzeko beste eskualde batera joateko baimena ematen ari dira.
Itxialdi berriarekin, 2021eko hazkunde ekonomikoak puntu bat behera egitea aurreikusi du Frantziako Gobernuak. Zentzu horretan, dendarien kezka ulertu eta babes ekonomikoa mantenduko dutela azaldu du Eliseoak.
Frantziak 96.500 hildako inguru eta 4,7 milioi positibo zenbatu ditu dagoeneko. Txertaketa kanpaina bizkortzen ari da; izan ere, 9,2 milioi herritarrek gutxienez dosi bakarra hartu dute jadanik, eta 3,1 milioik biak.
BIDEOA: Normaltasun bila, Pazko igandeko txokolate opariak bueltatu dira Frantziara aurten
Zure interesekoa izan daiteke
Dolumin mezu ugari, Oihane Mateos gogoan
Orain EITBren albiste zerbitzu digitaleko burua bart zendu da, eta zorigaiztoko albistea jaso eta berehala, erreskadan etorri dira samin agurrak.
Auto gidari bat hil da N-132 errepidean, Gasteizen, Lizarrarako noranzkoan
Istripua 12:30ean gertatu da, eta ibilgailuak txandaka bideratu dituzte tarte horretan, errepidea erabat garbitu arte.
Elgeako mendilerroan, Barrundian, piztutako baso sutea kontrolatu nahian ari dira suhiltzaileak
Bart piztu dira garrak, ustez ekaitzaren ondorioz, ez baita baztertzen tximista batek eragindakoa izatea. Bi hegazkin, helikoptero bat, hiru parketako suhiltzaileak eta basozainak ari dira bertan lanean.
Donostiak jendetza hartu du Aste Nagusiko lehen gauean
Pertsona ugari bildu dira Donostiako kaleetan Aste Nagusiaren lehen egunean jai giroaz gozatzeko. Su artifizialek ikusle ugari erakarri dituzte, eta zerua kolorez bete dute. Zezensuzkoak ere ilusioa eta dibertsioa piztu ditu, batez ere haur eta nerabeen artean.
Nola jakin daiteke noiz gertatuko den eklipse bat?
Astronomoek zehaztasunez kalkula dezakete noiz gertatuko den eklipse bat, Ilargiaren, Eguzkiaren eta Lurraren orbitak ikusita.
Zeledon San Migeleko dorrera igota emango diete amaiera Gasteizko jaiei
Astelehen goizaldean, hildako blusen eta nesken igoera eta kandelen prozesioa ere egingo dira, ekintzaz beteriko sei jaiegunei agur esateko.
Huelvako eta Castelloko suteak ezin menderaturik jarraitzen dute
467 lagun ebakuatuta daude oraindik Nieblako suteagatik; Tirigen, berriz, 395 hektarea inguruko eremua erre da eta Cati herria konfinatuta dago.
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.