Ongi Etorri Errefuxiatuak plataformak Bilboko Udalaren jokaera salatu du
Ongi Etorri Errefuxiatuak (OEE) plataformak, Arartekoari zuzendutako gutun baten bitartez, Juan Mari Aburto Bilboko alkatearen jokaera salatu du, Udaltzaingoari kalean bizi diren pertsonak joanarazteko agindua emateagatik.
Era berean, plataformatik salatu dute alkatea, Udaltzaingoarekin batera, etxerik gabeko pertsonak "are gehiago zirikatu, erreprimitu eta baztertzen" aritzen dela, eta honakoa eskatu dute Bilboko kaleetan gaua ematen duten pertsonentzat: "baliabide gehiago, aterpetxe gehiago, eguneko zentro gehiago eta arrazakeria instituzional gutxiago".
Arartekoari bidalitako gutunean, bere bitartekotza eskatu diote, "inor ez dadin kalean bizitzera behartu" eta "hori betetzen ez den bitartean, kalean pertsonak badaude, haiek eta haien ondasun urriak errespeta daitezen".
OEEk zabaldu duenez, Aburtori zuzendutako bi idatzi erregistratu dituzte udaletxean, baina "ez dugu idatzizko erantzunik jaso". Horien hitzetan, baina, "gertakarien bidez, erantzun argia eman digula uste dugu".
Plataformaren arabera, "ez dakigu zergatik alkate jaunak iritziz aldatu duen, eta nahiz eta hasiera batean agindu zion poliziari gaueko hamarretatik aurrera kalean bizi diren pertsonak errespeta zitzala, ondoren lo egiten duten lekuetatik atera zitzatela agindu zien". Gainera, "lekuak itxi edo hesitu dituzte, eta zaborrontzira bota dituzte egindako babeslekuak eta zituzten gauza urriak", horien hitzetan
Gainera, azken hilabetean Bilboko kaleetan bi pertsona hil izana salatu dute.
OEEk "bitartekotza" eskatu dio Arartekoari, "hain premia larri baten aurrean, inor ez dadin kalean bizitzera behartu. Eta hori betetzen ez den bitartean, kalean pertsonak badaude, haiek eta haien ondasun urriak errespetatzea eskatzen dugu".
Zure interesekoa izan daiteke
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".