Euskadik 916 positibo atzeman ditu eta intzidentzia metatua 466 kasuraino igo da
Covid-19aren intzidentzia-tasa metatuak gora egin du berriro Euskadin, 466,42 kasu izan baitira 100.000 biztanleko 14 egunean, asteazkenean baino 15,87 puntu gehiago (450,56). Halaber, zainketa intentsiboen unitateetako presioak gora egin du, 132 gaixo kritiko baitaude, aurreko egunean baino lau gehiago.
Pandemiak 916 positibo berri utzi ditu azken orduetan, 10.067 proba egin ostean (10.808 egin ziren bezperan); horrek % 9,1eko positibotasun tasa utzi du. Gainera,
Donostia gune gorrian sartu da eta Bizkaia handik pauso batera geratu da.
Osteguneko datuak biltzen dituen Osasun Sailaren buletin epidemiologikoaren arabera, 900 kutsatze baino gehiago izan ziren atzo, Bizkaian 413 kasu atzeman zituzten, 389 Gipuzkoan eta 101 Araban, eta beste 13 kasu Autonomia Erkidegotik kanpo bizi direnen artean.
Datu horiekin, 100.000 biztanleko 14 eguneko intzidentzia-tasa metatuak gora egiten jarraitzen du Euskadin, eta asteazkeneko 450etik osteguneko 466ra igo da. Araba (434,27) eta Gipuzkoa (581,44) eremu gorrian daude, eta Bizkaiak eremu laranjan jarraitzen du, 395,46ko kutsatze-tasarekin.
Hiriburuei dagokienez, Donostiak gainditu egin du kopuru hori, eta Bilborekin (502,4 kasu metatu dira) eta Gasteizekin (465,9) bat egin du. Azken horiek eremu gorrian zeuden jada, baina bi hiri horietan intzidentzia-tasaren gorakada askoz txikiagoa izan da (2 eta 3 kasu, hurrenez hurren).
Bestalde, intzidentzia-tasen arrazoia (egungo 14 egunetan metatutako intzidentzia-tasa duela astebetekoarekin alderatzen duena) ostegun honetan handitu egin da, 1,26an kokatu baita Euskadi osoan (1,24an zegoen bezperan).
Datu positibo gisa, oinarrizko birsorkuntza-tasa, kasu positibo bakoitzak zenbat pertsona kutsatzen dituen adierazten duena, 1,14ra jaitsi da (1,16an zegoen asteazkenean).
Euskadiko ospitaleetan 67 pertsona ospitaleratu dituzte ostegunean, aurreko egunean baino sei gutxiago, baina zainketa intentsiboen unitateetan presioa areagotu egin da, 132 ohe baitaude covid-19a duten gaixoekin beteta, asteazkenean baino lau gehiago.
Nafarroan, berriz, 198 kutsatze atzeman dituzte azken orduetan, Foru Gobernuak emandako behin-behineko datuen arabera.
Zehazki, atzo 2.757 proba diagnostiko egin zituzten (bezperan baino 203 gehiago), eta horien % 7,2k eman zuten positibo. Positibotasun tasa, beraz, bi hamarren jaitsi da .
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.