30 km/h-ko mugaren aurrean Bilbon jendea lasaitu egin dela ohartarazi dute
Bilbo izan da abiadura 30 km/h-ra mugatu duen munduko lehen hiria, eta astearte honetan ohartarazi dutenez, gidariek, oro har, neurria errespetatzen duten arren, kaleren batean "lasaitzen" ari dira, eta, ondorioz, isunak jarriko dituztela ohartarazi dute.
Gaurtik ezingo da 30 km/h-tik gorako abiaduran zirkulatu Espainiako Estatuko kale gehienetan, baina Bilbon irailaren 22az geroztik dago ezarrita muga hori.
"Hirietan iraultza isila hasi da gaur", nabarmendu du Alfonso Gil Bilboko Udaleko Mugikortasun zinegotzi eta alkateordeak. Neurri honekin, ke eta zarata gutxiago izan nahi dute hirietan, eta trafiko istripuen ondorioz hiltzen diren pertsonen kopurua murriztu.
Hala ere, Bilboko kale guztietan 30 km/h-ko muga ezarri zutenetik zortzi hilabete igaro direnean, neurria "oro har ondo" betetzen dela esan du Gilek, baina ohartarazi du: "Lasaitzen ari gara". Egoera hori bereziki bi edo hiru errei dituzten kaleetan gertatzen dela azaldu du.
Horren aurrean, Udalak "radar pedagogikoak" jarriko dituela aurreratu du Mugikortasun zinegotziak, zirkulazioa "monitorizatzeko" eta, hasiera batean, gidariari abiaduraren berri emateko.
Dena dela, "arauak asko hausten direnean" isunak etorriko direla esan du. "Ez dugu nahi, baina neurri honi eusteko ahalegina egin behar dugu", gaineratu du Gilek, eta gogoratu duenez, informazio-aldia "duela bi hilabete amaitu zen eta isunak jartzen ari dira". Ezarritako abiadura bikoizten bada, horren atzean "delitua" dagoela azaldu du.
"Erlaxazio" horren aurrean, Gilek esan du "sentsazio gazi-gozoa" duela, eta gidariei "arduratsuak" izateko eta muga hori errespetatzeko deia egin die.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.