Dagoeneko ezin da 30 km/h-tik gorako abiaduran zirkulatu kale gehienetan
Astearte honetatik aurrera ezin izango da 30 km/h-ko abiadura gainditu noranzko bakarra duten bideetan; neurri horrek Espainiar Estatuko kaleen % 60-70i eragingo die, eta hiri gizatiarragoak, osasungarriagoak eta seguruagoak sortzea du helburu.
Joan den azaroan, trafiko-istripuak murrizteko lege-erreforma sorta bat onartu zuen Espainiako Gobernuak. Besteak beste, hirietako abiadura 30 km/h-ra mugatzea erabaki zuten, horrek herri barruko istripuak murrizteko zituela iritzita.
Sei hilabeteko epea eman zien DGT-k hiriei egokitu ahal izateko, eta muga berria astearte honetan sartu da indarrean. Horrela, Espainiako Estatuko bideen % 60-70ek abiadura murriztuko dute, hiri osasungarriagoak eta seguruagoak izan daitezen. Gainera, gaurtik aurrera, hiriguneetako abiadura-muga 20 km/h-koa izango da galtzadarako eta espaloirako plataforma bakarra duten bideetan, eta 50 km/h-koa noranzko bakoitzeko bi errei edo gehiago dituzten bideetan.
Hiri batzuk aurreratu egin ziren eta lehenago ezarri zuten neurri berria. Horren adibidea da Bilbo, 30 km/h-ko abiaduran baitabil irailaren 22az geroztik. Bizkaiko hiriburua izan zen bere hiriguneko bide guztietan ibilgailuen trafikoaren abiadura 30 km/h-ra mugatu zuen 300.000 biztanletik gorako Europako lehen hiria.
Iruñean eta Gasteizen ere indarrean dago neurria, eta gaur sartuko da Donostian. Hala, Donostia 'Hiri 30' gisa estreinatuko da, hiriko bideen % 88,5ek 30 km/h-ko edo gutxiagoko zirkulazio-abiadura baitute.
Behin indarrean sartuta, lehen hilabetean ez zaie isunik jarriko abiadura gainditzen dutenei, baina, ekainetik aurrera, araudia betetzen ez dutenei 100 eta 600 euro arteko isuna jarri ahal izango zaie.
Dena dela, gaurtik aurrera kontrol kanpainak egingo dituzte hainbat hiritan, Gasteizen adibidez. Udaltzaingoak abiadura-kontrolak egingo dizkie 30 km/h-ko abiadura maximoa duten bide eta guneetatik zirkulatzen ari diren ibilgailuei.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.