EAEko ospitaleetako gela arruntetan duela astebete baino 100 gaixo gutxiago daude
Euskadik 393 kasu berri atzeman ditu ostegunean, aurreko egunean baino 64 gutxiago, eta intzidentzia-tasa metatuaren beheranzko bilakaerari eusten dio; izan ere, 100.000 biztanleko 346,86 kasu izan dira. Ospitaleko presioak ere behera egin du: 295 ospitaleratu daude gela arruntetan, eta 148 larri.
Iñigo Urkullu lehendakariak esan du kutsatzeen beherakada progresiboa eta covid-19aren aurkako txertaketa-kanpainan aurrera egitea "itxaropenerako eta konfiantzarako" arrazoiak direla, baina ohartarazi duenez, pandemiaren aurkako borroka "ez da amaitu, ezta gutxiagorik ere"; hori dela eta, prebentzio-neurriak mantentzearen alde egin du, eta "hurrengo helburua" intzidentzia-tasa metatua murriztea izango dela aipatu du.
Osasun Sailak ostiral honetan jakitera eman dituen datuen arabera, 8.473 test diagnostiko egin dituzte Euskal Autonomia Erkidegoan ostegunean: 254 positibo detektatu dituzte Bizkaian, 111 Gipuzkoan, 32 Araban eta bost EAEtik kanpo bizi diren pertsonen artean. Beraz, positibotasun tasa % 4,6koa da, aurreko egunean baino hamarren bat txikiagoa; izan ere, 100.000 biztanleko intzidentzia-tasa metatuak beheranzko joerarekin jarraitzen du, eta atzo 346,86koa izan zen, asteazkenean baino ia 19 gutxiago. Baliorik baxuena da apirilaren 5etik.
Azken orduotan, adierazle horrek 33 kasu egin ditu behera Gipuzkoan, 382,2raino; beraz, lurralde hori 400 kasuetatik jaitsi da, eta hilabete baten ostean Arabarekin (197,4ko tasa) eta Bizkaiarekin (361,6) bat egin du eremu gorritik kanpo. Gainera, Arabak ez zuen abuztutik 200tik behera egiten.
R0 zenbakiak ere joera onarekin jarraitzen du, 0,8an baitago. Adierazle hori 6 ehunen jaitsi da Araban, 0,65era, eta 3 Gipuzkoan, 0,77ra; Bizkaian, berriz, ehunen bat jaitsi da, eta 0,85ean dago.
Bestalde, intzidentzia-tasen arrazoia (egungo 14 egunetan metatutako intzidentzia-tasa duela astebetekoarekin alderatzen duena) ere jaitsi egin da ostegun honetan, eta 0,75ekoa da Euskadi osoan (0,76koa zen aurreko egunean).
Azken jardunaldietako hobekuntzarekin bat etorriz, ospitaleetako presioa ere arindu egin da. 40 gaixo ospitaleratu dituzte azken egunean, asteartean baino 19 gutxiago; beraz, ospitaleratutako gaixoak 295 dira, aurreko egunean baino 41 gutxiago. Gainera, 148 gaixo daude zainketa intentsiboetako unitateetan, bost gutxiago.
91 ikasgela (guztien % 0,52) itxi dituzte ostiral honetan covid-19aren kasuengatik, eta 58 ikastetxe itxi dituzte, sei gehiago.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.