Neurriak malgutu edo ez erabakiko du gaur LABIk
LABIren Aholku Batzordea gaur bilduko da, berriro, Euskadin covid-19ari aurre egiteko indarrean dauden neurriak berrikusteko. Pandemiaren bilakaera ez ezik, egun indarrean dauden neurri murriztaileak arindu ala ez aztertuko ere dute. Hala nola, ostalaritzako ordutegiak, aforoak edota mahaiaren bueltan bil daitekeen jende kopurua izango dute hizpide. 16:30ean izango da batzarra, Lehendakaritzaren egoitzan, Gasteizen.
Erakundearen azken bilera maiatzaren 7an izan zen, Euskadiko perimetro-itxiera altxatzea erabaki zenean, eta beste neurri batzuk lasaitu zirenean, besteak beste, ostalaritza eta merkataritza gaueko hamarretan ixtea, ordura arte zegoena baino bi eta ordubete geroago, hurrenez hurren.
Gainera, Euskal Autonomia Erkidegoko Justizia Auzitegi Nagusiak adierazi bezala, etxeratze-agindua eta itxitura perimetralak bertan behera gelditu ziren, baita bilera sozialetan lau pertsonari jarritako muga ere.
Era berean, ostalaritzaren edukiera barruan % 50ean mantentzea eta barran edo zutik kontsumitzea eta mahaiak lau pertsonak baino gehiagok erabiltzea debekatzen jarraitzea erabaki zuten, baita maskara uneoro erabiltzea ere, irensteko unean izan ezik.
Orduan, lehendakariak jakinarazi zuen neurri horiek 20 egunerako pentsatuta zeudela, eta, igandean, hilaren 9an, sartu ziren indarrean, alarma egoera desagertzen zenean.
Bizi Berri III Planari jarraituz, litekeena da ostalaritzako ordutegia zabaltzea. Gaur-gaurkoz, 22:00etan itxi behar dute.
"Murrizketak pixkanaka eta zuhurtziaz"
Biharko bileraren atarian, mezu bat zabaldu du sare sozialetan Urkulluk, "Pandemian gaude, oraindik Pandemian gaude" goiburupean. Bertan jasotzen duenez, "aurreikuspenak betetzen ari gara eta egoera hobetzen ari da", baina "oraindik tarte bat falta da talde-immunitateaz hitz egiteko". "Konfiantza gehiegi hartzen dugunean, birusa berragertu egiten da, eta, gainera, aldaera berri gisa agertzen da", esan du.
Egoera hori kontuan izanda bilduko direla bihar gogoratu du lehendakariak, eta erabakiak hartzerakoan "oreka bilatzea" izango dela helburua. "Aurreko guztietan bezala, erronka, berriz ere, oreka bilatzea da, osasunaren ondasun nagusia babestearen eta gure gizartearen osasun sozial, ekonomiko eta emozionalean ahalik eta eragin txikiena izaten saiatzearen artean", gehitu du. Hala, "murrizketak pixkanaka eta zuhurtziaz egokitzea eta prebentzio-neurriak betetzeko konpromiso pertsonal eta kolektiboa uztartzea" bilatzearen alde egingo dutela ziurtatu du.
Bien bitartean, ETBri eskainitako elkarrizketa batean, neurriak malgutzeko goizegi dela nabarmendu dute Miren Basaras mikrobiologoak eta Itziar Ubillos epidemiologoak:
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.