67 kutsatze berri atzeman dituzte Nafarroan, bezperan baino 21 gutxiago
Azken orduetan 67 positibo berri atzeman dituzte Nafarroan, Foru Gobernuak emandako datuen arabera. Bezperako datuekin alderatuta, kutsatzeek behera egin dute asteartean 88 kutsatze hauteman baitziren.
Zehazki, atzo 2.177 proba diagnostiko egin zituzten (bezperan baino 105 gutxiago), eta horietatik % 3,1 positibo izan ziren. Hortaz, proba gutxiago eginda, positibotasun tasa jaitsi egin da da (% 3,8an zegoen).
Atzokoan, ospitaleetako okupazioa egonkor mantendu zen, 19 paziente ospitaleraturekin. Atzo bi ospitaleratze izan ziren, bat ere ez ZIUetan, eta ez da heriotzarik izan.
Kutsatze berriei dagokienez, Iruñerrian eta bere eskualdean kasu positiboen % 54 izan dira, Tuteran % 21 eta Lizarran % 3. Gainerako positiboak (% 22) Nafarroako beste zonalde batzuetan banatzen dira.
Burlata, Zizur Nagusia eta Uharte Arakil udalerrietan launa positibo atzeman dituzte. Hiruna kasu zenbatu dituzte Arrotxapean, Txantrean, Azkoienen eta Sarrigurenen, eta bina, berriz, Altsasun, Cascanten, Corellan, Uharten, Monteagudon eta Alesbesen.
Erregistratutako kasu berrien adin-tarteen araberako banaketari dagokionez, 15 eta 29 urte artekoak (% 29) eta 30 eta 44 urte artekoak (% 27) dira talde nagusiak. Ondoren, 15 urtetik beherakoak (% 21) eta 45 eta 59 urte artekoak (% 15) daude. Azkenik, 60 eta 75 urte bitarteko taldea eta 75 urtetik gorakoen taldea daude, biak kutsatu berrien % 4rekin.
Positibo berrien batez besteko adina 32,4 urtekoa da. Generoari dagokionez, kasuen % 51 gizonak dira eta % 49 emakumeak.
Nafarroan 1.188 pertsona hil dira covidaren ondorioz, eta birusak eragindako infekzioen intzidentzia metatua, eguneroko datuen arabera, 62.254koa da.
42.020 txerto-dosi
Atzo 8.361 dosi eman zituzten (gehien inokulatu den eguna), eta, ondorioz, 417.615 txerto eman dituzte jada, Nafarroan orain arte jasotako 466.785 txertoetatik.
Orain arte, 157.579 pertsonak osatu dute txertoa, atzo bigarren dosia (4.809) jaso ostean.
Zure interesekoa izan daiteke
Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Asteazken arratsaldean Biarritzeko Miramar hondartzaren eta itsasargiaren ondoan izandako luiziaren ondorioz lurperatuta geratu ziren bi pertsonetako baten gorpua berreskuratu dute larrialdietako taldeek.
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.