Erietxeen egoera, hobera: 10 lagun ospitaleratu dituzte azken orduetan
Ospitaleratuta dauden gaixoen kopurua jaitsi egin da EAEn eta ospitaleratze berriek ere behera egin dute azken orduetan. Ospitaleratutako 122 pertsonetatik 69 gela arruntetan daude, 31 gutxiago, eta 53 ZIUetan, aurreko egunean baino bat gutxiago. Gainera, 10 pertsona ospitaleratu behar izan dituzte azken 24 orduetan; asteartean, berriz, 23 lagun.
Eusko Jaurlaritzako Osasun Sailaren datuen arabera, 190 positibo berri atzeman dituzte Euskadinasteazken honetan, aurreko egunean baino 44 gehiago.
Lurraldez lurralde aztertuta, 115 positibo detektatu dituzte Bizkaian, asteartean baino 26 gehiago, 38 Gipuzkoan (aurreko egunean baino hiru gehiago) eta 28 Araban (aurreko egunean baino zortzi gehiago). Horrez gain, Euskal Autonomia Erkidegotik kanpo bizi diren bederatzi pertsona kutsatu dira.
Asteazken honetan 7.692 proba diagnostiko egin dituzte eta positiboen tasa % 2tik % 2,5era igo da.
Hala ere, intzidentzia-tasa metatua 132,74ra jaitsi da, hau da, asteartean baino bost puntu gutxiago. Gainera, hiru lurraldeak arrisku ertainean daude, 100.000 biztanleko 150 kasu baino gutxiago baitituzte.
Gipuzkoan, 100.000 biztanleko 118,26 kasu izan dira 14 egunetan. Araban 124,47 kasu izan dira, eta Bizkaian, 140,55.
Intzidentzia-tasen arrazoia (egungo 14 egunetan metatutako intzidentzia-tasa duela astebetekoarekin alderatzen duena) 0,73 da Euskadin (0,74 zen aurreko egunean); oinarrizko birsorkuntza tasa, berriz, 0,82 da, aurreko eguneko berdina.
Ostegun honetan 30 ikasgela daude itxita, asteazkeneko 18 gelen aurrean. 26 zentro daude kaltetuta, aurreko egunean baino 9 gehiago, eta kutsadurengatik itxitako eskolen kopurua guztizkoaren % 0,21 da.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.