172 dira Mallorcako agerraldiaren harira EAEn zenbatutako positiboak
Mallorcan izandako koronabirus agerraldia tarteko, orain arte 172 positibo zenbatu dituzte Euskal Autonomia Erkidegoan (EAE) eta 306 pertsona daude koarentenan, Gotzone Sagardui Osasun sailburuak astelehen honetan jakinarazi duenez.
Agerraldi horrek Euskadin utzitako kutsatze kopurua eguneratu du Sagarduik Bizkaia Irratian egin dioten elkarrizketan; izan ere, ostiralean 126 zirela jakinarazi zuen Osasun Sailak. Balearretako uharte horretara Espainiako Estatuko hainbat erkidegotako, tartean EAEko, gaztetxoek egindako ikasketa bidaietan ehunka positibo atzeman dituzte. Sagarduik esan du 46 kasu berri topatu dituztela azken orduetan aztarnarien lanari esker.
Sailburuak zehaztu duenez, asteburuan 500 pertsonari egin diote proba diagnostikoa. "Jendeak (baheketa masiboari) emandako erantzuna ona izan da. Datuak alda daitezke, oraindik badagoelako aukera proba egiteko. Horrez gain, sekuentziazioari itxaron behar diogu, jakiteko zenbat aldaera dauden. Oraingoz, aldaera britainiarra eta indiarra (Delta aldaera, kutsagarriagoa) aurkitu ditugu", azaldu du.
Osasun Sailak deituta, baheketa masiboa egin dute asteburuan Osakidetzako zenbait zentrotan. Batez ere Mallorcan ekainaren 12tik egondako 16-19 urtekoei zuzenduta egin dute baheketa, baina uharte horretan berriki egondako edozein pertsonak egin ahal izan du.
Jaurlaritzak ekaina "gogorra eta berezia" izango dela ohartarazi zuen, Sagarduik gogorarazi duenez. "Denok dugu irteteko eta ospatzeko gogoa, zer esanik ez gazteek", erantsi du. Hori horrela, zuhur jarraitzeko deia egin du: "Zoritzarrez, pandemiak hor jarraitzen du, Balearretan, Euskadin, Cadizen, Benidormen edo AEBn". Horren hitzetan, "ikusi dugu neurriak hartzen ez ditugunean kutsatzeak egoten direla".
Txertaketa
Covid-19aren kontrako txertaketa kanpainari dagokionez, Osasun sailburuak zehaztu du 39 urtetik beherakoak babesten hasi direla. "Asteon helduko zaizkigun txertoekin espero dugu bi asteren buruan hamarkada horretakoekin bukatzea eta hurrengoarekin hastea. Adinean behera eginda, immunizazioa azkarragoa izango da denontzat, eta gure asmoa da ahalik eta arinen egitea", nabarmendu du.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.