Ertzaintzako zuzendariaren hitzetan, orokorrean "gazteek lagundu" dute
Rodrigo Gartzia Ertzaintzako zuzendariaren esanetan, orokorrean "gazteek lagundu" dute, "erantzukizuna eta egoerari eusteko" eskatu zaienean. Udari begira "azken esfortzu" bat eskatu die.
Ertzainek zein udaltzainek goizaldeko jende pilaketak desegiteko orduan "neurriz eta modu mailakatuan" ekin dute, Gartziak Radio Euskadin azpimarratu duenez.
Elkarrekin bizi ez diren pertsonak 00:00etatik 06:00etara biltzeko debekua mintzagai izan du Gartziak Radio Euskadin.
Zehaztu duenez, igande goizaldean istilu txikiak izan dira Euskadiko zenbait udalerritan, baina "jai denboraldian murgilduta gaudela kontuan hartuta", lehendakariaren dekretu barik liskarrak handiagoak lirateke.
Azken orduetan Santurtzi, Lekeitio, Sukarrieta, Plentzia, Bakio, Zornotza eta Markinan (Bizkaia) eta Oñatin eta Eibarren (Gipuzkoa) istilu txikiak izan direla adierazi du Ertzaintzako buruzagiak. Guztira, 26 pertsona identifikatu eta 11 salaketa aurkeztu dituzte.
"Ekiten dugunean neurriz eta modu mailakatuan egiten dugu. Egiten den aurreneko gauza informatzea da, eta gehienetan jendeak jaramon egin eta alde egiten du", azaldu du.
Bestalde, Ertzaintza eta udaltzaingoak "elkarrekin" lanean ari direla azpimarratu du Gartziak. Ia 11.000 polizia ari dira elkarlanean, "arazoak konpontzeko nahikoak", esan du.
"Euren lana aintzat hartzen dela ikusten dute poliziek, baina egoera honetan araudiak bateratzea faltan botatzen dute, modu ordenatuago batean aurre egin ahal izateko", deitoratu du, erkidego bakoitzaren legedi ezberdinei erreferentzia eginez.
Bestalde, aurreneko alarma egoera baliogabetzeko Auzitegi Konstituzionalaren erabakia hizpide izan du Gartziak. Epaiak "isunak jartzeko zabaldu ziren espedienteak gelditu ditu", onartu duenez.
Ezarri diren 20.000 isunetatik 5.000 ordaindu dituzte dagoeneko, eta milioi eta erdi euro suposatu dute. "Hori da zalantza orain, zer egingo da horiekin?", erantsi du.
Azkenik, mugikortasuna oinarrizko eskubide bat dela nabarmendu ondoren, osasun eskubidea ere existitzen dela gogorazi die Gartziak epaileei: "kontuan izan beharra dute". Horregatik, "epaiak bizi dugun testuingurura egokitu behar dituzte", gaineratu duenez.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.