Asteburuetan eta jaiegunetan etxeratzeko agindua ezartzeko baimena eskatu du Nafarroako Gobernuak
Positibotasun-tasa altua duten Nafarroako udalerrietan, asteburuetan eta jaiegunetan etxeratzeko agindua ezartzeko baimena eskatu dio ostegun honetan Nafarroako Gobernuak Nafarroako Justizia Auzitegi Nagusiari (NJAN). Agindua uztailaren 24tik 28ra bitartean indarrean egotea espero du Foru Gobernuak, covid-19ari aurre egiteko. Bigarrengoz saiatu da etxeratzeko agindua lortzen, epaileek aurreko eskaera "zehaztasun faltagatik" baztertu ostean.
Javier Remirez Nafarroako Gobernuko lehen presidenteorde eta bozeramaileak azaldu duenez, egun horiek, asteburu bat izateaz gain, Santiago eguna ere badute, eta urte normaletan, herriko jai ugari ospatzen dira, aurten bertan behera geratu diren arren. Hala, araudiaren bidez, "gaueko topaketak eta ospakizunak saihestu nahi dira, Nafarroan, oro har, kezkatzen gaituen interakzio sozial handiko asteburu batean".
Proposamen berrian, Foru Gobernuak etxeratze-aginduaren "beharrari" eusten dio, "baina asteburuetara eta jaiegunetara mugatuta, bi astean 250 kasu baino gehiago edo astebetean 125 kasu baino gehiago atzematen dituzten udalerrietan. Hau da, 'arrisku handia' deritzon intzidentzia duten herrietan".
Gainera, asteburuetatik eta jaiegunetatik haratago, herriko jaiak egun horietan ospatu ohi dituzten udalerrietan ere etxeratzeko agindua ezartzeko baimena eskatu du Nafarroako Gobernuak, 'ez-jaietan' gaueko topaketak eta ospakizunak saihestu eta mugikortasuna mugatzeko.
Auzitegiaren ebazpena aztertu ostean, irizpide berriekin etxeratzeko agindua ezartzeko baimena lortuko dutela uste du Foru Gobernuak. Izan ere, "neurri zehatzagoa eta kirurgikoagoa" da. "Horrekin, epaitegiaren eskakizunak betetzen ditugula uste dugu", esan du Remirezek.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtekoetara zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira talde biolentoetako kideak, Ertzaintzaren uruaren arabera
"Elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi zitzaizkien, eta azkenean liskarra gertatu zen. Ertzaintzaren buruak adierazi du atxilotuek ez dutela banda edo talde biolentoekin loturarik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.