Derrigorrezkoa da covid ziurtagiria Ipar Euskal Herriko hainbat leku publikotan sartzeko
Ekainetik ekitaldi jendetsuetarako derrigorrezkoa zen covid ziurtagiria beste hamaika esparrutan ere nahitaezkoa da gaurtik aurrera Ipar Euskal Herrian zein Frantziako Estatu osoan. Erabiltzaileak covid-19aren aurkako txertoak jaso dituela, gaixotasuna gainditu duela edo, txertatu gabe daudenen kasuan, proba diagnostiko negatiboa dutela egiaztatzeko balioko du QR kode informatiko baten bidez.
Honako egoera hauetan eskatuko da osasun ziurtagiria edo "osasun pasea":
- Taberna eta jatetxeetara (baita terrazetara ere), gimnasioetara eta merkataritza-guneetara sartzeko
- 50 pertsona baino gehiago biltzen dituzten "aisialdiko eta kulturako" guneetara sartzeko (zinema eta antzokietan, esate baterako)
- Hoteletan ostatu hartzeko eta kanpinetan egoteko
- Ibilbide luzeko trenetan bidaiatzeko
- Herrialde barruko hegaldiak hartzeko
- Adinekoen egoitzetan sartzeko
- Osasun-zentroetan eta ospitaleetan larrialdiak ez diren gauzengatik artatuak izateko
- Osasun-establezimenduetara sartzeko
Azken protestak izan ostean Olivier Veran Frantziako Osasun ministroak igande honetan iragarri duenez, "osasun pasaportearen" baldintza batzuk arindu egingo dituzte. Hala, txertorik hartu ez dutenek erakutsi behar duten proba negatiboa azken 72 ordutakoa izan ahalko da, ez azken 48 ordutakoa; PCR probek eta antigenoen testek balioko dute, eta "osasun-profesional batek gainbegiratutako autoprobek" ere bai.
Arreta medikoa jasotzeko covid ziurtagiria beharrezkoa izango dela baieztatu duen arren, ministroak zehaztu duenez, "inolaz ere ez da oztopo izango premiazko arreta jasotzeko".
Derrigorrezko txertaketa osasun-langileentzat
Bestalde, osasun-langileek eta pertsona zaurgarriekin lan egiten duten beharginek, adinekoen egoitzetako langileek, esate baterako, txertoa jarrita izan beharko dute irailaren 15a baino lehen; hala ez balute egingo, zigorrak aurreikusten dira: langileak enplegurik eta soldatarik gabe gera daitezke baina inolaz ere ezingo dira kaleratu.
Frantziako Kontseilu Konstituzionalaren babesa jaso du Gobernuak ostegunean neurri horiek hartu ahal izateko.
Gaur egun 18 urtetik gorako herritarren % 67,5ek dute covid-19aren kontrako txertaketa osoa amaituta Frantziako Estatuan, Gobernuak bere webgune ofizialean jakitera eman duenez. Txertaketaren datuak are handiagoak dira Ipar Euskal Herrian; izan ere, Iparraldea eta Bearno barne hartzen dituen Pirinio Atlantikoetako 18 urtetik gorako biztanleen % 77,3 erabat immunizatuta daude.
Herritarrak zatituta daude neurri horien aurrean: batzuen ustez, guztien askatasuna babesteko irtenbiderik egokiena da; beste batzuen aburuz, berriz, herritarrak gehiago zatitu besterik ez dute lortuko.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.