Euskadik ez ditu, oraingoz, zahar-etxeetako langileentzako gomendio berriak jarraituko
Euskal Autonomia Erkidegoko (EAE) zahar-etxeetan gaur egun indarrean dagoen protokoloarekin jarraitzea adostu dute ostegun honetan Eusko Jaurlaritzak eta Arabako, Bizkaiko eta Gipuzkoako foru aldundiek. Gauzak horrela, oraingoz ez dituzte Osasun Sistema Nazionalaren Lurraldearteko Kontseiluak (CISNS) proposatutako gomendio berriak jarraituko, baina neurri horiek ezartzeko aukera eztabaidatzen jarraituko dute.
Hain zuzen ere, Eusko Jaurlaritzako Osasun Saila eta Berdintasun, Justizia eta Gizarte Politiketako Saila, Arabako, Bizkaiko eta Gipuzkoako foru aldundiekin bildu dira gaur goizean, zentro soziosanitarioetan covid-19ari aurre egiteko eta horren hedapea kontrolatzeko indarrean dagoen protokoloa eguneratzeko aukera aztertzeko.
Espainiako Osasun Ministerioak eta autonomia erkidegoek atzo aztertu zuten egoera, eta, adostutako dokumentuan, txertoa jaso ez duten langileak ez kontratatzea gomendatzen da, "behar-beharrezkoa ez bada". Horrez gain, txertoa hartu nahi ez duten edo bi dosiei uko egiten dieten zahar-etxeetako langileek gutxienez astean bitan gaitza atzemateko detekzio-probak egitea, eta lanpostuz aldatzeko aukera aztertzea.
Gaurko bilera telematikoa amaitu ostean, ordea, Osasun Sailak jakinarazi du "oraingoz" indarrean dagoen protokoloarekin jarraituko dutela EAEko zahar-etxeetan, baina Lurraldearteko Osasun Kontseiluak proposatutako neurriak ezartzeko aukera eztabaidatzen jarraituko dute.
Ildo horretatik, ez dute zehaztu noiz izango den hurrengo bilera, baina "erakundeen arteko koordinazio bilerak ohikoak eta aldizkakoak" direla zehaztu dute. "Protokoloa berriz gaurkotuko balitz, ezagutzera emango litzateke", adierazi dute.
Arabako Foru Aldundiak gaineratu duenez, une honetan "arlo teknikoan" ari dira lanean, eta egungo protokoloa aldatu behar den ala ez aztertzen, baina oraindik ez dute erabaki irmorik hartu.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.