35 pertsona hil dira azken astean Euskadin covid-19aren ondorioz, aurrekoan baino bi aldiz gehiago
Birusak gora egiten jarraitzen du Euskal Autonomia Erkidegoan (EAE), 748 positibo berri atzeman baitituzte astearte honetan, aurreko astean baino ehun bat gehiago, eta 35 pertsona hil dira azken astean, aurrekoan baino bi aldiz gehiago.
Atzo, 7.361 test diagnostiko egin zituzten, eta positiboen tasa % 10,2ra igo da. Bestalde, 100.000 biztanleko 14 eguneko intzidentzia-tasa metatuak beheranzko joerari eutsi dio, 15,37 puntu jaitsi baita; beraz, 507,43 puntutan dago.
748 positibo berri horietatik, 152 Araban atzeman dituzte, 374 Bizkaian, 207 Gipuzkoan eta 15 Euskaditik kanpo bizi diren pertsonen artean, Osasun Sailaren azken buletin epidemiologikoaren arabera.
Ospitaleen egoerari dagokionez, atzo 50 pertsona ospitaleratu zituzten covid-19aren ondorioz, astelehenean baino bat gehiago, baina gela arruntetan 256 gaixo daude, 27 gutxiago. Hala ere, zainketa intentsiboetako unitateetan 75 pertsona daude, egun bat lehenago baino bi gehiago.
ZIUetan dauden 75 pertsonetatik 49 txertatu gabe zeudela esan du Gotzone Sagardui Osasun sailburuak. Horrek agerian uzten du, Sagarduiren esanetan, inokulazioak ondorio larriak ez izateko duen ahalmena. Era berean, pauta osoa jasota zutenen artean kutsatu direnak % 0,50 dira.
Bestalde, Osasun Sailak jakitera eman duenez, abuztuaren 9tik 15erako astean metatutako datuak aztertu ondoren, covid-19ak 35 heriotza eragin ditu, eta aurreko astean, berriz, 17.
LABIren batzorde teknikoaren bileraren ostean egindako agerraldian, Osasun sailburuak iragarri du Euskadik beste astebetez luzatuko dituela indarrean dauden murrizketak, abuztuaren hasieratik hautemandako beheranzko joera sendotzeko.
Sagarduik dei egin die oraindik txertoa hartu ez dutenei, izan ere, 80.000 hitzordu baino gehiago daude eskuragarri.
Hiru lurraldeetako intzidentzia metatuak behera egiten jarraitzen du: Arabak 523 kasu ditu 100.000 biztanleko azken 14 egunetan; Bizkaiak, 530; eta Gipuzkoak, 421.
Udalerrien egoerari dagokionez, Lasarte-Oria, Durango eta Etxebarri eremu gorritik atera dira, Eusko Jaurlaritzako Osasun Sailak erabiltzen duen semaforoaren arabera.
Birusaren birsorkuntza indizea ehunen bat jaitsi da EAEn, 0,91ra arte. Lurraldez lurralde aztertuta, Arabak 1,07tik 1,03ra egin du gora; Bizkaiak 0,89tik 0,87ra; eta Gipuzkoak 0,90etik 0,91ra igo egin da.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.