Pertsona bat atxilotu dute Beran (Nafarroa), legez kanpoko immigrazioa bultzatzea egotzita
Gizon bat atxilotu dute Lizuniagako mendi-lepoan, Beran (Nafarroa), legez kanpoko immigrazioaren eta tabako-kontrabandoaren aldeko ustezko delituak egotzita.
Espainiako Barne Ministerioak prentsa ohar baten bidez jakitera eman duenez, Irungo (Gipuzkoa) Atzerritarren eta Mugen Brigadako, Espainiako Poliziako eta Hendaiako (Ipar Euskal Herria) Aire eta Mugetako Poliziako agenteek elkarrekin parte hartu dute ikerketan.
Irungo polizia-etxeko ikerlariek ikusi zuten ibilgailu bat mugako pasaguneetan geldialdi ugari egiten ari zela, "trafikatzaileek etorkin irregularrak pasatzeko erabili ohi dituztenak", eta maiatzean soilik muga 28 aldiz zeharkatu zuela.
Frantziako polizia-kidegoa ere ikertzen ari zen gizona, Donezteben bizi den herritar bat, eta, horregatik, bilera batean adostu zuten Espainiako Poliziak bere ikerketaren edukia haien esku utziko zuela, Frantziako agenteek auzitegi baten babes judiziala baitzuten.
Zaintza-dispositibo bat ezartzea erabaki zutene eta, horri esker, jakin zuten, muga autoz zeharkatu ondoren, susmagarriak Baiona eta Bordele arteko trena hartzen zuela Nafarroara itzultzean ez zituen maleta handi batzuekin; guztira, 13 aldiz egin zuen bidai hori.
Horrela, abuztuaren 3an, Hendaiako Aire eta Mugetako Poliziak gizona atxilotu zuen Lizuniagan, Beran (Nafarroa) kokatutako mugan, "egoera irregularrean zegoen etorkin bat autoan eraman eta, gainera, 110 tabako-kartoi zeramatzala".
Atxilotua Frantziako espetxe batean dago, irailerako aurreikusita dagoen epaiketaren zain, Espainiako Poliziak jakitera eman duenez.
Zure interesekoa izan daiteke
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.
Gizon baten gorpua aurkitu dute Bilboko itsasadarrean, Sestao parean
Hilotza asteazken honetako lehen orduan aurkitu dute, Galindo ibaiaren bokalean. Ertzaintzak ikerketa abiatu du, biktima identifikatu eta heriotzaren arrazoiak argitzeko.
Ertzaintzak baztertu egin du Oiz mendian sute bat piztu izana, keagatik hainbat abisu jaso arren
Oiz mendian baso-suteengatik alerta aktibatu dute, Muxikan (Bizkaia), tenperatura altuen testuinguruan. Helikoptero inguruan ibili da sua zegoen ala ez aztertzeko, baina azkenean baztertu egin dute aukera hori.
San Joan suek gaua argitu dute Euskal Herriko zenbait herritan
Muturreko tenperaturek eta sute-arriskuagatiko alarma gorriak eraginda, Euskal Herriko su gehienak bertan behera geratu dira. Hala ere, Euskal Herriko hainbat herritan suak piztu dira San Joan bezperan. Hala ospatu dute Durangon eta Eibarren.