Neurrien arintzean "presarik ez" izateko eskatu du Zubiak
Covid-19ren kutsatze-katea nabarmen apaltzen ari da azken asteotan Euskal Autonomia Erkidegoan (EAE), eta ospitaleetan ere egoera lasaitzen ari da. Hala, larunbat honetan 186 koronabirus kasu berri atzeman dituzte, eta positibotasun-tasa sei hamarren jaitsi da, % 4,3raino. Hain zuzen ere, ekainaren 28an lortu zen azkenekoz 200 positiboen langa ez gainditzea.
Felix Zubia Donostiako Ospitaleko ZIUko buruak igande honetan azaldu duenez, ordea, oraindik "paziente asko" dituzte ospitaleetan koronabirusarekin. Dena dela, aurreko hilabeteekin alderatuta, "lasaiago" daudela onartu du Euskadi Irratiko Osasun Etxea saioan.
Neurri murriztaileak arintzeko une egokia ote den galdetuta, mediku zarauztarrak "denbora" eskatu du. Testuinguru horretan, aurreko olatuetan egindako akatsetatik ikasi, eta neurriak presarik gabe arintzearen alde agertu da.
Iñigo Urkullu lehendakariak LABIren Aholku Batzordearen bilera berri bat deitu du ostiralerako, irailak 17. Pandemiak Euskadin izan duen "bilakaera onarekin" bat dator deialdia, eta indarrean dauden prebentzio-neurriak lasaitzea ekar lezake.
Hori bai, bere hitzetan, badira bi gauza mantendu beharko liratekeenak: espazio itxietan musukoaren erabilera eta gaueko aisialdian ezarrita dauden murrizketak. "Espazio itxietan eta gauean sortzen dira kutsatze foku nagusiak", esan du.
Koronabirusaren aurkako txertoaren hirugarren dosiari buruz ere bere iritzia eman du Zubiak. Gaur gaurkoz, ez du ikusten biztanleriaren gehiengoari hirugarren dosia jartzeko premiarik. Izatekotan, immunoeskasia duten pertsonei jarri edo ez ondo aztertu beharko litzatekeela azpimarratu du.
Zure interesekoa izan daiteke
Aurrerantzean, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Oraindik ez dira jakitera eman arrazoiak. Suhiltzaileek sua itzali dute eta ez da inor kaltetu.
Baduzu ezagunik Venezuelan? Bilboko kontsulatuak harremanetarako bideak jarri ditu herritarren eskura
Venezuelak Bilbon duen kontsulatuak hainbat bide jarri ditu herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.