Euskadin 186 kasu berri atzeman dituzte, eta positibotasun-tasa % 4,3ra jaitsi da
Larunbat honetan 186 koronabirus kasu berri atzeman dituzte Euskadin, alegia, bezperan baino 48 positibo gutxiago, eta positibotasun-tasa sei hamarren jaitsi da, % 4,3raino.
Eusko Jaurlaritzako Osasun Sailak igande honetan emandako datuen arabera, gaitza atzemateko 4.364 test diagnostiko egin zituzten larunbatean, aurreko egunean baino 430 gutxiago, eta horietatik 186 positiboak izan ziren. Hain zuzen ere, ekainaren 28an lortu zen azkenekoz 200 positiboen langa ez gainditzea.
Datuak lurraldez lurralde aztertuta, Araban 26 kasu berri baieztatu dituzte (aurreko balantzean baino bi positibo gutxiago), Bizkaian 91 (bezperan baino 37 gutxiago) eta Gipuzkoan 63 (14 gutxiiago). Gainera, Euskal Autonoma Erkidegotik (EAE) kanpo bizi diren sei pertsonak positibo eman dute, bezperan baino bost gehiago.
Halaber, ospitaleetako egoerari dagokionez, larunbatean 19 pertsona ospitaleratu zituzten koronabirusagatik gela arruntetan, aurreko egunean baino 10 gutxiago, eta zainketa intentsiboetako unitateetan (ZIU) 58 pertsona daude une honetan covid-19arekin, aurreko balantzean bezala.
Gauzak horrela, pandemiak nolabaiteko egonkortasuna erakusten du, azken egunetan antzeko datuak bildu baitira.
Astelehenera arte ez dira beste datu batzuk eguneratuko, besteak beste, 14 egunetan metatutako intzidentzia-tasa.
55era igo dira Nafarroan positibo berriak
Bestalde, Nafarroan 55 kasu positibo berri atzeman dituzte larunbat honetan, Osasun Sailaren behin-behineko datuen arabera. Foru Erkidegoak bederatzi egun daramatza jarraian eguneko ehun positibotik behera.
Kasu gehien izan dituen eremua Betelu izan da, sei, eta Cascante eta Arrotxapea auzoetan bost kasu izan dira, hurrenez hurren.
Aurreko astean baino % 35,6 kasu gutxiago izan dira oraingoan.
Azken egunean ez zen hildakorik egon eta bi ospitaleratu izan ziren. Horrela, 61 pertsona daude ospitaleratuta, horietatik 20 ZIUetan.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.