Ikastolen Elkarteak ikastetxeetako espazio irekietan musukoa derrigorrezkoa ez izatea eskatu die agintariei
Hego Euskal Herriko Ikastolen Elkarteak Eusko Jaurlaritzari eta Foru Gobernuari galdegin diete indargabetu dezatela Lehen Hezkuntzako ikasleak ikasteetako aire zabaleko espazioetan musukoa erabiltzera derrigortzen dituen araua.
Ohar batean azaldu dute aurreko ikasturtean Lehen Hezkuntzan covid-19ari aurre egiteko hartu diren neurriak "oso gogorrak" izan direla, baina "ezinbestekoak"; izan ere, "osasuna eta elkar zaintzea" izan dira lehentasuna.
Azpimarratu dutenez, gaur egun, koronabirusaren eraginak "nabarmen egin du behera, eta, horri esker, orain arteko neurri gogorrak malgutu ahal izan dira, eta arnasa lasai edo lasaiago hartzen hasi gara". Hala ere, kritikatu dutenez, gizartearentzat neurriak malgutu badira ere, neurrien malgutze horrek "ez du islarik izan hezkuntzaren arloan".
Eusko Jaurlaritzak eta Nafarroako Gobernuak argitaratu dituzten azken dekretuetan "neurri batzuk malgutu dituzten arren, Lehen Hezkuntzako ikasleak jolastokiko garaian ere musukoa erabiltzera derrigortzen dituen arauari eutsi egin diote", eta horrek "kezka handia" sortu die.
"Pandemiak ingurune hurbilean (familian, lagun artean) izan duen eragin zuzenak eta ikastetxeetan ezarririko protokolo zorrotzak ikasleengan izan dituzten ondorioak nabarmenak izan dira", Ikastolen Elkartearen arabera, "alderdi emozionalean nahiz akademikoan".
Elkartetik ez diote zentzurik ikusten "haurrak kanpo espazioan dabiltzanean musukoaren erabilera derrigortzeari, are gutxiago, helduok maskararik erabili beharrik gabeko gero eta gune gehiago irabazten ari garenean". Kezka handia sortu die neurriak, "bereziki umeen alderdi emozionalari begira", bi arrazoi nagusirengatik: "aire librean daudela musukoa erabiltzera derrigortzen duten kolektibo bakarra" delako eta "musukoa erabiltzera derrigortuta dauden aire libreko eremu bakarra eskolakoa" delako.
Horien ustez, txertorik jarri ez zaien kolektibo bakarra izateak "ez du justifikatzen neurri horri eustea, gainerako guneetan ez badute derrigorrezkoa musukoa erabiltzea".
Aitzitik, "haurraren izate osoa kontuan hartuta (besteak beste, bere garapen emozionala, soziala zein ikasteko ibilbidea), orain arteko neurriei eusteak ekidin nahi diren kalteak baino albo-kalte gehiago eragin ditzake", horien iritzian.
Horregatik, Eusko Jaurlaritzari eta Nafarroako Gobernuari eskatu diete "gizartean eta eskolan bertan gainerako kolektiboei ezarririko irizpide berak erabiltzeko Lehen Hezkuntzako haurren kasuan ere, eta ikastetxeetako aire libreko guneetan musukoa erabiltzeko derrigortasuna bertan behera uzteko.
Zure interesekoa izan daiteke
Euskararen arnasgune bihurtuko da Bilbo igandean Kirikiño Ikastolak antolatutako Ibilaldiarekin
Maiatzaren 31n, Bizkaiko ikastolen jai handia ospatuko dute Txurdinaga inguruan. Hiru gunetan banatuta, egun osoko egitarau zabala eta bizia egongo da gozagai.
Getxotik Sevillaraino bizikletaz, Jaime Lafitak erronka berria hasi du ELAri ikusgarritasuna emateko
Jaime Lafitak erronka berri bat hasi du gaur Getxon. "DalecandELA" elkarteak lagunduta, eta Tandem batean igota, Sevillaraino joango dira zortzi lagun bizikletaz, ELA Legea lehenbailehen aplikatzea eskatzeko. Bidean, Madrilen eta Sevillan, Death Valley. El valle de la muerte dokumentala aurkeztuko dute.
Mugimendu antimilitaristak protesta egin du Basaurin Sidenorren aurka, Gazako genozidioa salatzeko
Mugimendu antimilitaristako kideek protesta egin dute larunbatean Sidenorrek Basaurin duen egoitzaren aurrean, "herri palestinarraren aurkako genozidioan izan duen papera" salatzeko; izan ere, aktibisten esanetan, bertan ekoizten den altzairua “funtsezkoa” da Israelen arma-industria asetzeko. Ertzaintzak dozena bat ekintzaile identifikatu ditu.
Ehunka lagun bildu dira Errenterian, “Inpunitateari Stop, erasoen aurrean autodefentsa feminista” lelopean
Errenteriako eta Oiartzungo herritarrek bat egin dute Mugimendu Feministak egindako deiarekin, eta irmo salatu dute Xenpelar Bertso Eskolako irakasle batek, "ardi larruz jantzitako erasotzaile" gisa definitu dutenak, ustez hainbat urtez egindako erasoak.
Gizon bat atxilotu dute Gasteizen, pertsonen legez kanpoko trafikoa leporatuta
Horrek zeraman ibilgailuan 24 eta 48 urte bitarteko 12 pertsona zihoazen. Ertzain-etxera eraman dituzte identifikatzeko, eta laster egingo dituzte atzerritarrekin egin beharreko kudeaketak. Furgoneta miatuta, hainbat pasaporte aurkitu dituzte.
Emakume batek bortxaketa salatu du Baionan
Asteazkenean jazo zen erasoa, Cam de Prats auzotik gertu dagoen taberna batean. Epaileak behin-behinean espetxera bidali du 42 urteko akusatua.
Mikel Erentxunek Duncan Dhuren 40. urteurrena ospatu du Miramar Gauak jaialdian
Miramar Jauregian, Kontxako badiara begira dauden lorategietan, Mikel Erentxun buru duen taldeak emanaldia eman du ostiral honetan, Duncan Dhuren 40 urteak ospatzeko.
Etxebizitzetako sarrailetan plastilinazko edo paperezko markatzaileak aurkitu dituztela ohartarazi du Ertzaintzak
Azken asteotan, Ertzaintzak delitugileek erabilitako markatzaileak atzeman ditu Bizkaian: sarrailetan plastilina zati txiki batzuk eta paperezko zapi baten zatiak.
Aldaketak Iruñeko sanferminetako entzierroetan
Zezenak zezen-plazara iritsi aurretik plazan sartzen diren korrikalariak ezin izango dira han zain egon, espazioa libre uzteko eta gainerakoak ez oztopatzeko. Gainera, ibilbidera sartzeko ordua 07:15etik 07:30era aldatu da, 15 minutuz atzeratu ondoren.
Herritarren erdiek baino gehiagok uste dute bizi dugun egoera nahiko lasaia dela
Iritziak emateko askatasunaren inguruan ere galdetu du EITB Focusek. Galdetutakoen herenak esan du nahiago duela zenbait gairen inguruan iritzirik ez ematea jendaurrean. % 62,7k esan dute ez dutela arazorik iritzia lasai emateko.