6-12 urteko haurrek beti eraman beharko dute maskara EAEko ikastetxeetan
Eusko Jaurlaritzak gaur bidali die EAEko ikastetxeei ia murrizketarik gabeko aro berri honetan jarraitu beharreko covid-19 protokolo berria. Arauak ez du aldaketarik ekarriko maskararen erabilerari dagokionez, eta sei urtetik gorako umeek (txikiagoak salbuetsita daude) "nahitaez" erabili beharko dute "espazio guztietan eta une oro". Protokolo berria astelehenetik aurrera aplikatuko da.
Horrenbestez, aire librean zein barrualdeetan, oro har, babes jantzia soinean eraman beharko dute haurrek. Dena dela, Derrigorrezko Bigarren Hezkuntzan (DBH) eta Batxilergoko ikasleei dagokionez ñabardura erantsi du protokolo berriak. 12 urtetik gorako ikasle asko txertatuta daudela kontuan hartuta, nerabeentzat ez da derrigorrezkoa izango aire zabalean beste kideekiko 1,5 metroko segurtasun distantzia bermatzen den kasuetan, bai eta "elikagaiak eta edariak hartzeko ere, eta kanpoaldean jarduera fisiko bizia egiten denean ere".
Segurtasun distantziari dagokionez, moldaketa egin du Hezkuntza Sailak, eta aurrerantzean 1,20 metrokoa izango da, 1,50ekoa barik. Bi salbuespen egongo dira: aurrenekoa, musikako eskoletan, haize-instrumentuak jotzean (musukoarekin bateraezina den jarduera) 1,50ekoa izaten jarraitu beharko du; bestea, aipatutakoa, DBHko ikasleek aire zabalean maskara kentzeko hautua egiten dutenean (hor ere metro eta erdikoa beharko du).
Lehen Hezkuntzan aldaketa bakarra Bizikidetza Egonkorreko Taldeetan ('burbuila taldeak' deitutakoak) egin du Bildarratz buru duen Sailak. Aurrerantzean, jolastorduan (ez, ordea, ikasgela barruan) mailaka egon ahalko dira haurrak, eta ez gelaka orain arte bezala. Haur Hezkuntzan gela bereko ikasle eta irakasleek osatuko dute 'burbuila taldea', aurreko protokoloan bezala.
Azkenik, irakasleen eta familien bilera guztiak aurrez aurre egiteko aukera zabaldu du Jaurlaritzak, betiere higiene eta aireztapen neurriak gordez.
Gainerakoan, ikasturte hasieran zehaztutako prebentzio neurriei eutsi die protokolo berriak.
Zure interesekoa izan daiteke
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.