Gazte bat atxilotu dute Leioako campusean tiroka aritzeagatik
Ertzaintzak 21 urteko mutil bat atxilotu du EHUko Leioako campusean eskopeta batekin tiroka sartu ostean. Ez du inor zauritu, baina kalte materialak izan dira. Erasotzailea unibertsitateko ikaslea da.
Lekukoek Radio Euskadin azaldu dutenez, Zientzia eta Teknologia Fakultatearen kontra hainbat tiro egin ditu, eta bidean topatu dituen ikasleei adierazi die ez zuela inor mintzeko asmorik, Fakultatearen kontrako erasoa zela.
Fernando Plazaola Zientzia eta Teknologia Fakultateko dekanoak jakinarazi du kalteak zenbatzen ari direla eta gutxienez 40 bat bala-zulo ikusi dituztela. "Tiro ugari bota ditu Fakultatearen toki ezberdinetan, barrutik", adierazi du Radio Euskadin.
Halaber, Ertzaintzak atxilotu eta gero, tarte labur batez gaztearekin hitz egiteko aukera izan duela kontatu du. Mutila "lasai" ikusi du eta EHUko ikaslea dela esan dio. Handik gutxira jakinarazi du Ertzaintzak fakultate horretako ikaslea dela.
Dekanoak erantsi du eraikineko hormen, leihoen eta beirateen kontra aritu dela tiroka.
EHUk ohar bidez baieztatu duenez, ez da biktimarik izan, eta kalteak izan dira eraikinaren fatxadan nahiz barrualdean. Ertzaintzak 19:30ean atxilotu du erasotzailea, campuseko Arboretum inguruan. Eskopeta handik hurbil topatu dute.
Gertakariak 19:00ak jo baino pixka bat lehenago jazo dira. Alarmak jo duenean, ikasleak, irakasleak eta langileak ebakuatu egin dituzte. Ertzaintzak polizia-operazio zabala jarri du martxan, eta unibertsitatea inguratu dute.
Erasotzailea atxilotuta, Segurtasun Sailak lasaitasunerako deia egin du, jada arriskurik ez dagoela ziurtatuta.
Oraingoz ez dute argitu zergatik egin duen erasoa. Ertzaintza gertatutakoa ikertzen ari da, eta polizia-izapideak amaitutakoan eramango dute epailearen aurrera. Arma batekin mehatxu egitea eta kalteak egitea leporatu diote.
CONTENIDO NO ENCONTRADO
Zure interesekoa izan daiteke
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.
Nelson David Morenok ukatu egin du Bilbon 73 urteko gizon bat hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen ardura izan dezake.
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.