Bilbok 49 eraikin zabalduko ditu asteburu honetan, bosgarren Open House jaialdian
Bilbok 49 eraikin irekiko ditu asteburu honetan, bosgarren Open House jaialdian. Ateak zabalik, arkitektura eta hirigintza ekitaldi nagusia da mundu mailan, eta aurten "Hiri osasungarria" izango du izenburu.
Iaz bezalaxe, osasun egoeraren aurrean segurtasun eta kontrol arrazoiengatik, eraikinak Bilbon zabaltzera mugatuko dira -beste urte batzuetan Barakaldora eta Getxora zabaldu zuten-, eta bisitetan zein jardueratan parte hartzeko hitzordua hartzea beharrezkoa izango da, Udalak ostegun honetan jakitera eman duenez.
Bosgarren Open House jaialdiarekin, Bilbok 45 hiri baino gehiagorekin bat egingo du urriaren 16an eta 17an, Udalak azpimarratu duenez. Open House Worldwide Nazioarteko Sarea osatzen dute guztiek, arkitekturaren eta hirigintzaren defentsan.
Jaialdia osasun egoerara egokituko da, eta "Hiri osasungarria" gaia izango du aurten, covid-19 pandemiak utzitako "errealitate berriarekin" lotuta.
Egitarauaren bidez jaialdiak gogoeta bat planteatu nahi du: hiriek erronka ikaragarria dute osasuna eta ongizatea hobetzeko motor gisa.
12 berritasun
Jaialdiaren edizio berrian 49 eraikin zabalduko dituzte hiri osoan, horietako 12 nobedadeak izango direlarik: Ametzola geltokia, Fesa-Ercross pabiloia, IED Kunsthall eraikina, BETA II-AsFabrik eraikina edo Etxebarriko Ekaitz Andela.
Eleiz Museoa, Deustuko Unibertsitatea, Bilboko udaletxea, Chavarri, Olabarri eta Ibaigane jauregiak, Azkuna Zentroa, Erriberako Merkatua edo Arte Ederretako Museoak errepikatuko dute.
Eraikinak zabaltzeaz gain, Open House jaialdiak jarduera osagarriak eskainiko ditu: familientzako tailerrak, ibilbideak hirian barna, ibilbideak bizikletan eta nabigazioa itsasadarrean.
Zure interesekoa izan daiteke
48 ordu Espainia erdialdean sua geldiarazteko, beste bero bolada bat iritsi aurretik
Madrilgo eta Avilako suteen fronteak San Juan urtegiaren parean elkartu dira. Bi suteen artean, 80.000 hektarea baino gehiago erre dira jada.
Vall d'Uixoko suteek 8.500 hektareak erre dituzte jada, baina egoerak hobera egin dezake gauean
Goizean ezin izan dituzte aire bidezko baliabideak erabili keagatik. "Gauari begira, aurreikuspen meteorologiko nahiko onekin iritsiko gara, mendebaldeko haize nahiko leunarekin, eta horri esker lan egin ahal izango dugu", azaldu du du zuzendari operatiboak.
Polemika piztu dute Palmako masifikazio turistikoaren aurkako manifestazioaren ondorengo kargek
Polizia Nazionalak gogor kargatu zuen Palman igandean, masifikazio turistikoaren aurkako protestaren ondoren. Talde bortitzei erantzun gisa justifikatu du Poliziak bere burua baina Espainiako Gobernuko ordezkariak zalantzan jarri du jokabidea. Zaurituen artean Xavier Hurtado fotokazetaria dago eta Balearetako Kazetarien sindikatuak babes osoa eman dio.
Donostiako Aste Nagusiak 416 jarduera izango ditu hiriko 30 gunetan banatuta
Donostia prest dago zortzi eguneko festari hasiera emateko. Abuztuaren 8tik 15era ospatuko dute Aste Nagusia, programa zabal batekin, eta, gainera, bitxikeria bat ere kontuan izango dute aurtengo jaietan: abuztuaren 12an izango den eklipsea.
El Bocal auziko epaileak atzeratu egin du Dragados enpresako ordezkariaren deklarazioa
Perituen azalpenak entzun ondotik erabaki zuen instrukzio epaileak enpresa kontratistako lege arduraduna ere deklaratzera deitzea, ikertu gisa.
Bi emakume zauritu dira Alesbesen trafiko-istripuz
12:36 inguruan izan da ezbeharra, NA-660 errepidean. Zauritutako bi emakumeak, 85 eta 31 urtekoak, Tuterako Reina Sofia Ospitalera eraman dituzte.
Behin-behinean espetxean jarraituko du sanferminetan emakume bat bortxatzeagatik ikertzen ari diren gizonak
Autoan, epaileak berretsi du biktimak konortea erdi galduta zuela sexu-erasoa egin ziotenean. Deklarazioan, akusatuak esan zuen emakumeak baimendutako sexu-harremana izan zela.
Behin-behinean aske utzi dute Tuteran sexu eraso bat egitea egotzita atxilotutako mutila
Larunbat gauean izan zen erasoa Tuteran eta ordu batzuk geroago atxilotu zuten ustezko erasotzailea.
Gipuzkoako umeen eta nerabeen bizimodu gogobetetasun indizea 9,1 puntukoa da
Gipuzkoako Foru Aldundiak astelehen honetan aurkeztu duen ZmZ ikerketak haurren eta nerabeen ongizateari buruzko pertzepzioa jaso du, eta lurraldeko aisialdi hezitzaileko zerbitzu publikoak hobetzeko erabiliko da.
Albiste izango dira: suteak, sexu-erasoak Bilbon eta Tuteran, eta Donostiako Aste Nagusiko programazioaren aurkezpena
Gaurkoan Orain-en albiste izango direnen laburpena, bi hitzetan.