Euria indarra galtzen joango da eta egunaren amaieran atertzera joko du
Gaur gauean izandako euriteen ondorioz, zenbait ibaik gainezka egin dute Bizkaian eta Gipuzkoan, baina okerrena igaro dela dirudi; izan ere, apurka-apurka euri gutxiago egingo du eta arratsalderako egoera baretu egingo da Hego Euskal Herrian.
Amaitu da euriteengatik 15:00ak arte ezarrita zegoen abisua, eta Euskalmet Euskal Meteorologia Agentziaren arabera, egunaren amaieran atertzera joko du, batez ere EAEko ekialdean; mendebaldean oraindik ere prezipitazio gutxi batzuk geratuko dira.
Ipar-mendebaldeko haizeak arratsaldean indarra galduko du eta elur-mailari dagokionez, azken orduetan gora egin du eta 1400-1500 metro inguruan dago une honetan.
Tenperaturak gora egingo du, 10 graduak gaindituz kostaldean, eta barnealdean ere, atzokoekin alderatuta, igo egingo dira, 5-8 ordu bitartean mugituko baitira. Orduak igaro ahala, beraz, egoera lasaitu egingo da.
Bihar, oro har, ateri eutsiko dio. Goizean euri zaparradaren bat egin lezake EAEko mendebaldean. Goizak aurrera egin ahala, baina, atertu egingo du, eta arratsalde lasaia geratuko da, hodeiak eta ostarteak nagusituz.
Nafarroan, elur denboraleak eragindako asteburu zailaren ondotik, Aemetek jakinarazi duenez, orduak igaro ahala zaparradak gutxitzen joango dira Nafarroan arratsaldean.
Iragarpenaren arabera, astearte honetarako ez da baztertzen prezipitazio ahulak izatea goizean ipar-mendebaldean, baina, oro har, euri gutxi egingo du. Tenperatura minimoak jaitsi egingo dira eta maximoak ez dira ia aldatuko. Izozteak espero dira, Ebroko Erriberan izan ezik; Pirinioetan, aldiz, epelak edo gogorrak izango dira.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.