Covid ziurtagiria dutenek murrizketarik gabe bidaiatu ahalko dute EBn
Europar Batasuna osatzen duten herrialdeek ikuspegi aldaketa bat adostu dute astearte honetan, beste estatu kide batetik datozen bidaiariei koronabirusa atzemateko proba bat edo berrogeialdi bat ezartzeko orduan. Proba hori, aurrerantzean, norberaren covid ziurtagirian oinarrituko da, eta ez jatorrizko herrialdearen egoera pandemikoan. Aldaketa otsailaren 1ean sartuko da indarrean.
Herrialdeek EBn dituzten enbaxadoreek argi berdea eman zioten joan den ostiralean Europako Batzordearen gomendioari. Bi dira EBrentzako arrazoiak; batetik, txertaketan izandako gorakada esanguratsua, eta, bestetik, covid ziurtagiria aplikatzerako orduan, azkartasuna.
Horrela, covid ziurtagiriarekin bidaiatzen duenek, baldin eta ziurtagiri horrek egiaztatzen badu txertoaren pauta osoa dutela, gaixotasuna duela gutxi pasa dutela edo bidaiatu aurretik test negatibo bat egin dutela, estatu kide diren herrialdeetara joan ahal izango dira, bestelako murrizketarik gabe. Ondorioz, helmugara iristean ez dute berrogeialdirik edo proba diagnostiko gehigarririk egin beharko.
Aldaketaok, baina, ez direla lotesleak, gomendioak baizik. Beraz, mantendu egiten da semaforoaren mapan arrisku handikotzat jotzen diren kolore gorri iluneko eremuetatik datozen bidaiariei neurri gehigarriak ezartzeko aukera.
Ingurumari horretan, jada hamar bat herrialde gomendio horietatik aldendu dira, eta murrizketa gehigarriak ezartzen jarraituko dute beren lurraldera bidaiatzen duten bidaiariei, ziurtagiria gorabehera. Horien artean daude, esaterako, Frantzia, Italia, Portugal, Alemania edo Herbehereak.
Txertaketa-ziurtagiriaren baliozkotasunaren kasuan ere, badira Europako Batzordeak ezarritako epeari muzin egin eta balio-epea murriztu duten herrialdeak ere. Joan den abenduan covid ziurtagiriaren balioa bederatzi hilabetera mugatzea adostu zuten, dosi gehigarririk gabe.
Zure interesekoa izan daiteke
Lagako hondartzako aparkalekua uda osoan egongo da zabalik
Hondartzaren inguruko ingurumena birsortzeko lanak udazkenera arte atzeratuko dira, Espainiako Gobernuaren Bizkaiko ordezkariordeak jakinarazi duenez.
Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.
Lau urteko ume bat ospitalera eman dute, Bilboko Pagasarribide eskolan bero-kolpe izan ondoren
Ikastetxeko Guraso Elkarteak salatu du azpiegiturak zaharkituta daudela eta ez daudela prestatuta bero sapa hauei aurre egiteko. Esan dutenez, arazoa orokorra da Bilboko sare publikoko eskoletan.
Adimen artifizialaren lege berriaren hamar gako eta adibide
Ministroen Kontseiluak lege-proiektu bat onartu du teknologia horren erabilera gizartearentzat "etikoa, inklusiboa eta onuragarria" izan dadin bermatzeko.
Donostiako Udalak hondartzen denboraldia aurreratzea aztertuko du, egun hauetako erreskateen ondoren
Jon Insausti alkateak adierazi duenez, hondartza denboraldia lehenago hasi behar den aztertuko da, edo agian zerbitzu zehatz batzuk, gune puntual batzuetan, baina hori datorren urteko aurrekontuen araberakoa izango dela azpimarratu du. Halaber, seinaletika indartzearen eta megafonia zerbitzuak lehenago aktibatzearen alde agertu da, Saguesen, esaterako, "arriskutsuak izan daitezkeen korronte konplikatuak" daudelako.
77 urteko gizon bat hil da Donostiako Ondarreta hondartzan
Larrialdi zerbitzuek goizeko 10:30ak pasatxoan jaso dute abisua. Hondartzan zeuden hainbat herritarrek atera dute gizonezkoa uretatik, baina erreskate taldeek ezin izan dute ezer egin, haren bizitza salbatzeko.
Datorren urtetik aurrera Bero Plana maiatzaren 15era aurreratzea aztertzen ari da Eusko Jaurlaritza
Guillermo Herrero Eusko Jaurlaritzako Osasun Publikoko zuzendariaren hitzetan, "txipa aldatzen hasi behar dugu denok, eta pentsatzen, lehen uztailekoak edo abuztukoak ziren tenperaturak maiatza-ekainean izango ditugula".
Auto-ilarak deseginda, egoera bere onera itzuli da Artatzan goizean tuneletan izandako istripu baten ondoren
Moto batek istripua izan du tuneletan eta errei bat itxi behar izan dute BI-637 errepidean, Leioan, Bilborako noranzkoan eta 4 km-rainoko ilarak izan dira bertan. Motor gidaria zaurituta eraman dute erietxera. Arazoak izan dira N-1ean ere Tolosa parean eta Irunerako noranzkoan; autobus batek eta auto batek talka egin dute eta zauriturik ez badago ere, ilarak sortu dira.
Bi pertsona ospitalera eraman dituzte Berriobeitin, hondakinak kudeatzeko enpresa batean piztutako sutean kea arnastuta
Enpresa ebakuatu behar izan dute. Enpresako langileak sua itzaltzen hasi dira, eta suhiltzaileek bukatu dute, 00:26an.
Gomez Ulla ospitalean isolatutako beste pertsonak batek positibo eman du hantabirusagatik, baina ez du sintomarik
"Kontaktu estua" da, eta Hondiuseko agerraldiaren ostean aktibatutako miaketa "epidemiologikoari" esker aurkitu zuten.