Otxarkoagako hilketagatik zigortuta eta ihesean zegoen adingabea atxilotu dute Bilbon
2018an, Bilboko Otxarkoaga auzoan 80 urtetik gorako bikote bat hiltzeagatik zigortuta eta azarotik ihesean zegoen adingabea atxilotu berri du Ertzaintzak Bizkaiko hiriburuan. Atxiloketa duela bi egun egin zuten agenteek, eta Fiskaltzaren esku dago jada mutila, Segurtasun Sailak jakinarazi duenez.
Gaztea azarotik falta zen. Ezarritako zigorra —sei urteko itxialdia— betetzen ari zen Zumarragako (Gipuzkoa) Ibaiondo zentroan, baina irteera baimen baten ostean (10 hilabete zeramatzan baimenokin), ez zen zentrora itzuli.
Agertu ez zela eta, zentroko zuzendaritzak jakinaren gainean jarri zituen Adingabeen Epaitegia, Fiskaltza eta Ertzaintza. Ordutik haren bila ibili dira.
Zigortutakoak 18 urteak beteak ditu dagoeneko eta Fiskaltzaren esku geratu da.
Hiru adingabe epaitu zituzten Otxarkoagako hilketagatik. Horietatik bi zigortu zituzten eta hirugarrena absolbitu zuten, hilketan erantzukizunik ez zuela ebatzi baitzuen epaileak.
Albiste gehiago gizartea
Itzulera operazioak auto-ilara luzeak eragin ditu gaur ere mugan
AP-8 autobidean 11 kilometrorainoko auto-ilarak izan dira gaur arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan auto-ilarak saihesteko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Salamancako boluntario bat hil da eta jada bost dira baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da.
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.
Calin erail duten gasteiztarraren gurasoak gaur iritsiko dira Kolonbiara
Ikerketak zabalik jarraitzen du eta lapurretarena da hipotesi nagusia.